قازاقستان مەن ساۋد ارابياسى مال ەكسپورتىنا قاتىستى ۆەتەريناريالىق سەرتيفيكاتقا قول قويدى
«قازاقستان مەن ساۋد ارابياسى ۆەتەريناريالىق قىزمەتى ماماندارىنىڭ كەلىسسوزدەر قورىتىندىسى بويىنشا ءمۇيىزدى ءىرى قارا مال مەن ۇساق مالدى سويۋ جانە ءوسىرۋ ءۇشىن ەكسپورتتاۋعا ۆەتەريناريالىق سەرتيفيكاتقا قول قويدى»، - دەلىنگەن حابارلامادا.
مينيسترلىك دەرەگىنە سۇيەنسەك، ساۋد ارابياسى كورولدىگىنىڭ ۆەتەريناريالىق قىزمەتى قازاقستاندىق مال شارۋاشىلىعى ونىمدەرىن تاسىمالداۋعا قويىلعان شەكتەۋدى جويدى.
«سونىمەن قاتار، يرانمەن قوي ەتى، سيىر ەتى، تاۋىق جۇمىرتقاسى، ۇساق مال سۋبونىمدەرى، اسىل تۇقىمدى جانە ءۇي شارۋاشىلىعىنا پايدالانىلاتىن ۇساق مالدى جەتكىزۋ تۋرالى ءبىرقاتار ۆەتەريناريالىق سەرتيفيكاتقا قول قويىلدى. ءدال وسىنداي كەلىسىم ب ا ءا- دە جاسالدى»، - دەپ مالىمدەيدى ق ر ا ش م.
سونداي-اق، باسپا ءسوز قىزمەتى حابارلاعانداي قازىرگى ۋاقىتتا ەلىمىزدەن يرانعا ەكسپورتقا شىعارىلاتىن ءىرى قارا مالعا ارنالعان ۆەتەريناريالىق سەرتيفيكات ءۇشىن كەلىسىم جۇرگىزىلۋدە.
ودان بولەك، ومانعا سيىر ەتى، قوي ەتى جانە ءتىرى ءىرى قارا مالدى ەكسپورتتاۋعا بەرىلەتىن ۆەتەريناريالىق سەرتيفيكات ازىرلەنۋ ۇستىندە.