سولتۇستىك قازاقستاندا جولداردى جوندەۋگە رەكوردتىق قاراجات ءبولىندى
سولتۇستىك قازاقستان وبلىسى جولدارىنىڭ ۇزىندىعى 9 مىڭ شاقىرىمدى قۇراسا، ونىڭ 1,5 مىڭ شاقىرىمى رەسپۋبليكالىق ماڭىزى بار تراسسالار. جەرگىلىكتى اۆتوموبيل جولدارىنىڭ 39 پايىزىنىڭ جاعدايى كوڭىل كونشىتپەيدى.
س ق و اكىمدىگى باسپا ءسوز قىزمەتىنىڭ حابارلاۋىنشا، اۆتوموبيل جولدارىن جوندەۋگە ارنالعان قارجى جىل ساناپ ارتىپ كەلەدى. سوڭعى ءۇش جىلدا وڭىردە 1900 شاقىرىم جول جوندەلدى. بىلتىر بۇل جۇمىستارعا 33 ميلليارد تەڭگە (675 شاقىرىم) باعىتتالدى.
«بيىل جولداردى جوندەۋگە 37 ميلليارد تەڭگە بولەمىز. سالىستىرۋ ءۇشىن ايتسام، 2017-جىلى 21 ميلليارد تەڭگە باعىتتالدى. ۇلكەن ايىرماشىلىق. بۇرىن جولداردى جوندەۋگە مۇنداي قارجى بولىنبەيتىن»، - دەيدى وبلىس اكىمى قۇمار اقساقالوۆ.
2019-جىلى جەرگىلىكتى ماڭىزى بار اۆتوجولداردى جوندەپ، قالىپتا ۇستاۋعا 18 ميلليارد تەڭگە جوسپارلانعان. ونىڭ 14 ميلليارد رەسپۋبليكالىق قازىنادان بولىنبەك. جالپى، سوڭعى ءۇش جىلدا جوندەلگەن جولداردىڭ شاراپاتىن قازىر 128 ەلدىمەكەننىڭ 62 مىڭ تۇرعىنى كورىپ وتىر.