اتىراۋ وبلىسىنىڭ تۇرعىنى يەن دالادا ەكى كۇن بويى اداسىپ جۇرگەن

استانا. قازاقپارات - اتىراۋ وبلىسىنىڭ تۇرعىنى يەن دالادا ەكى كۇن بويى اداسىپ جۇرگەن. جوعالعان ەر ادامدى ىزدەستىرۋ جۇمىستارىنا تىكۇشاق جۇمىلدىرىلدى،

 دەپ حابارلايدى «م گ» - عا سىلتەمە جاساعان «قازاقپارات» ح ا ا.

اتىراۋ وبلىستىق ت ج د باسپا ءسوز قىزمەتىنىڭ مالىمدەمەسى بويىنشا، 22 - قاڭتار كۇنى ساعات شامامەن 14:00-دە 50 جاستاعى اۋىل تۇرعىنى «ۋاز» كولىگىمەن مالعا شىعىپ، سودان ۇيىنە ورالماعان.

«الايدا تۋىستارى ەر ادامنىڭ جوعالعانى تۋرالى ت ج د كەزەكشى قىزمەتىنە تەك 23 - قاڭتار كۇنى ساعات 21:17-دە حابارلاعان. ىزدەۋ جۇمىستارى سول كۇنى كەشكە باستالدى، ءبىراق كۇن باتىپ، قاتتى بۇرقاسىن بولۋى سالدارىنان توقتاتىلعان»، - دەپ باياندادى ت ج د باسپا ءسوز قىزمەتىنەن.

24 - قاڭتار كۇنى ساعات 9:00-دە ىزدەۋ جۇمىستارى قايتا باستالدى. وعان ت ج د- ءنىڭ بەس قۇتقارۋشىسى، ءبىر ارنايى تەحنيكا، يندەر ا ءى ءى ب- ءنىڭ ءتورت پوليتسيا قىزمەتكەرى، بورتىندا ەكيپاجدىڭ ءتورت مۇشەسى جانە ت ج ك- ءنىڭ «باتىس ايماقتىق ايەروموبيلدى قۇتقارۋ جاساعىنىڭ» ەكى قىزمەتكەرى بولعان «قاز اۋە قۇتقارۋ» ا ق- نىڭ «МИ-8МТВ UP-MI844» تىكۇشاعى جۇمىلدىرىلدى.

جوعالعان ەر ادام ساعات 15.36-دا جارسۋات اۋىلىنان 70 شاقىرىم جەردە تابىلدى. ونىڭ جاعدايى قالىپتى دەپ باعالاندى، مەديتسينالىق كومەككە مۇقتاج بولعان جوق»، - دەپ ناقتىلادى ت ج د باسپا ءسوز قىزمەتىنەن.