شەتەلدەن كەلگەن قانداستارعا قازاقستان ازاماتتىعىن الۋ جەڭىلدەمەك
بۇل جايىندا ءماجىلىس دەپۋتاتتارىنىڭ رەسمي ساۋالىنا جاۋاپ بەرگەن ق ر پرەمەر- ءمينيسترى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
ۇكىمەت باسشىسىنىڭ جاۋابىنا سايكەس، كوشى- قون ساياساتىنىڭ پروبلەمالارىن كەشەندى شەشۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى- قون پروتسەستەرىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تۇجىرىمداماسى ازىرلەدى. زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسياسىنىڭ 2018 -جىلعى 16 - قاراشاداعى 466-وتىرىسىندا جوبا ماقۇلداندى.
«اتالعان تۇجىرىمدامادا قازاقستان رەسپۋبليكاسىنا كەلگەن ەتنيكالىق رەپاتريانتتارعا قولايلى جاعدايلار جاساۋ، ونىڭ ىشىندە ورالمان مارتەبەسى جوق نەمەسە توقتاتىلعان ەتنيكالىق قازاقتارعا قازاقستاندا تۇرعان مەرزىمىنە قاراماستان، قازاقستان رەسپۋبليكاسىنىڭ ازاماتتىعىن جەڭىلدەتىلگەن تارتىپپەن الۋعا قۇقىق بەرۋ كوزدەلگەن. جوعارىدا اتالعان زاڭ جوباسىن قازاقستان رەسپۋبليكاسى پارلامەنتىنىڭ ماجىلىسىنە 2019 -جىلعى مامىر ايىندا ەنگىزۋ جوسپارلانعان» ، - دەدى باقىتجان ساعىنتايەۆ.