ەلوردادا كوشە ساۋداسىنا ارنالعان ورىندار اۋكتسيونى باستالادى
«وزدەرىڭىز دە «1000 ورىن - كوشە ساۋداسى» باعدارلاماسىن بىلەسىزدەر. بۇل جەردە اۋكسيون تولىقتاي ونلاين رەجىمدە جۇرگىزىلىپ، «بلوكچەين» تەحنولوگياسى 100 پايىز اشىقتىقتى قامتاماسىز ەتەدى. ەندىگى ۋاقىتتا قانداي دا ءبىر فاكتىسى اۋىستىرىپ قويۋ مۇمكىن ەمەس» ، - دەدى ول.
ونىڭ ايتۋىنشا، بۇعان دەيىن اۋكسيون ادامداردىڭ قاتىسۋىمەن جۇرگىزىلىپ كەلگەن بولاتىن. بۇل كاسىپكەرلەرگە قولايسىزدىق تۋدىراتىن جانە ۇزاق ۋاقىتتى الاتىن پروتسەسس ەدى.
«قازىرگى ۋاقىتتا تەلەفون ارقىلى تىركەلىپ، باستاپقى كەپىلدىك جارنانى تولەۋ ارقىلى اۋكسيونعا قاتىسۋعا مۇمكىندىگى جاسالىپ وتىر. بۇگىنگى كۇننىڭ سوڭىنا دەيىن وتىنىمدەردى قابىلداۋ اياقتالادى. وسىدان ەكى اپتا بۇرىن حابارلاندىرۋ بەرگەن ەدىك. ال اۋكسيون دۇنيسەندى كۇنى باستالادى» ، - دەدى ءا. ءابدىقادىروۆ.
جالپى، ونىڭ دەرەگىنشە، 2018 -جىلى استانادا 13 مىڭنان استام كاسىپكەرلىك سۋبەكتىسى تىركەلگەن. ولاردىڭ ءونىم ءوندىرۋى 21,9 پايىزعا ارتىپ، 3,5 تىرليون تەڭگەنى قۇراعان. قىزمەت جاسايتىن سۋبەكتىلەردىڭ سانى 2019 -جىلدىڭ 1 - قاڭتارىندا 125 مىڭنان استام بولدى. بۇل وتكەن جىلدىڭ سايكەس كەزەڭىمەن سالىستىرعاندا 28,2 پايىزعا ارتىق.