قازاقستاندا جۇمىس ىستەيتىندەردىڭ باسىم بولىگى قىتايلىقتار بولىپ شىقتى

None
None
 استانا. قازاقپارات - قازاقستاندا جىل باسىنان بەرى 20,3 مىڭ شەتەلدىك مامان جۇمىس ىستەۋ كۆوتاسىن العان. ەڭبەك ميگرانتتارىنىڭ باسىم بولىگى قىتاي ازاماتتارى دەپ جازادى  Аltaynews.kz.

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 2018-جىلعا دەيىن شەتەلدىك ەڭبەك كۇشىن تارتۋعا ارنالعان كۆوتا جالپى جۇمىس كۇشىنىڭ 0,46 پايىزىن، ياعني 41 مىڭ ادامدى قۇراعان.

جۇمىس ىستەۋگە بەرىلەتىن رۇقساتتاردىڭ باسىم بولىگى اتىراۋ (7,9 مىڭ) مەن ماڭعىستاۋ وبلىستارىنا (2,1 مىڭ)، سونداي-اق استانا قالاسىنا (2,2 مىڭ) تيەسىلى.

ەلىمىزگە ەڭبەك ميگرانتتارىنىڭ باسىم بولىگى قىتايدان (5,2 مىڭ)، تۇركيادان (1,8 مىڭ)، ۇلى بريتانيادان (1,4 مىڭ)، ءۇندىستاننان (1,7 مىڭ) جانە ۋكراينادان (863) كەلەدى ەكەن.

شەتەلدىكتەر نەگىزىنەن قۇرىلىس (11,9 مىڭ ادام)، اكىمشىلىك جانە قوسالقى قىزمەت كورسەتۋ (3,2 مىڭ)، تاۋ-كەن ءوندىرۋ (2,6 مىڭ) جانە وڭدەۋ (1,9 مىڭ) ونەركاسىبى، سونىمەن قاتار اۋىل شارۋاشىلىعى (1,7 مىڭ) سالالارىندا ەڭبەك ەتۋدە.

سوڭعى جاڭالىقتار