20:41, 23 - قاڭتار 2019 | GMT +6
قىرعىز شەكاراسىنداعى قازاقستاندىقتىڭ ولىمىنە قاتىستى ق ر س ءى م تۇسىنىكتەمە بەردى
استانا. قازاقپارات - قازاقستان مەن قىرعىزستان شەكاراسىندا بولعان وقيعاعا قاتىستى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇسىنىكتەمە بەردى، دەپ حابارلايدى قازاقپارات.
«قازاقستاندىق ديپلوماتتار قىرعىزستان تاراپىنان وقيعانىڭ ءمان- جايى تۋرالى تولىق اقپاراتقا رەسمي تۇردە سۇراۋ سالىندى. ءبىزدىڭ ەلشىلىك تاراپىنان وقيعانىڭ بارلىق ەگجەي- تەگجەيىن انىقتالعاننان كەيىن ءتيىستى شارالار، سونىڭ ىشىندە قۇجاتتاردى راسىمدەۋ جانە مارقۇمنىڭ دەنەسىن وتانىنا الدىرۋ جۇمىستارى جاسالاتىن بولادى»، - دەدى ايبەك سمادياروۆ.
قازىرگى ۋاقىتتا قازاقستان مەن قىرعىزستاننىڭ شەكارا جانە كونسۋلدىق قىزمەتتەرى ءتيىستى شارالاردى جۇرگىزۋدە.
ەسكە سالساق، قىرعىزستان شەكاراسىنداعى اتىستان ءبىر ادام مەرت بولعاندىعى تۋرالى حابارلاعان بولاتىنبىز.
اۆتور: ايان بەكەن ۇلى