پسيحولوگيالىق سىناق: ءومىر، جار، دوس

None
None
 استانا. قازاقپارات - ءسىز قانداي ادامسىز، قالاي ءومىر ءسۇرىپ جاتىرسىز، ومىرگە كوڭىلىڭىز تولا ما.. . وزىڭىزگە بەيماعۇلىم ءوز ىشكى جان الەمىڭىزدەگى قۇپيالاردى پسيحولوگيالىق سىناق ارقىلى انىقتاڭىز.

ءار سۇراقتىڭ جاۋابىن ەسىڭىزگە ساقتاپ وتىرىڭىز نەمەسە جازىپ الىڭىز. جازبا سوڭىندا جاۋاپتارىمەن سالىستىراسىز.

 جىنىس ورماندى ارالاپ كەلە جاتقانىڭىزدا، الدىڭىزدان ءبىر كۇركەشە كەزىكتى دەيىك:

 1. سىزشە كۇركەشەنىڭ ەسىگى قالاي تۇر؟ (جابىق نە اشىق)

 2. ءۇيدىڭ ىشىنە كىرگەندە ءبىر ۇستەل كوزىڭىزگە شالىندى، سىزشە ۇستەلدىڭ فورماسى قانداي؟ (دوڭگەلەك، سوپاقشا، كۆادرات فورمالى، تىك ءتورتبۇرىش فورمالى، ءۇشبۇرىش فورمالى)

 3. ۇستەلدىڭ ۇستىنە ءبىر گۇل قۇمىراسى قويىلعان، بۇل قۇمىرادا سۋ بار، سىزشە بۇل قۇمىراعا قانشالىقتى سۋ قۇيىلعان؟ (تولتىرىلعان، ورتا، سۋ جوق)

 4. سىزشە بۇل قۇمىرا قانداي ماتەريالدان جاسالعان؟ (اينەكتەن، فارفوردان، بالشىقتان، مەتال، پلاستيك)

 5. سالدەن كەيىن ءبىر سارقىراماعا كەلەسىز، سول ارادا جارق- جۇرق ەتكەن ءبىر زاتتى كوردىڭىز، ول زاتتى ءيىلىپ الساڭىز ءبىر توپ كىلت تاعىلعان كىلتىلگىش ەكەن. سىزشە وندا قانشا كىلت بار؟ (بىردەن ونعا دەيىن)

 6. بۇل جەردەن ءوتىپ، تاعى دا جولعا شىقتىڭىز، جولدىڭ سورابىن ىزدەپ جۇرگەنىڭىزدە الدىڭىزدان قالا قورعانى كوزىڭىزگە شالىندى، سىزشە بۇل قانداي قورعان؟ (ەسكى قورعان، جاڭا قورعان)

 7. قالا قورعانىنڭ ىشىنە كىرىپ ءجۇرىپ كەلە جاتقانىڭىزدا الدىڭىزدان ءبىر لاستانعان مالتاۋ كولشىگى كەزىگەدى، كەنەت بىلعانعان كولشىك بەتىنەن جالت- جۇلت ەتىپەتكەن اسىل تاستاردى بايقايسىز، ءسىز بۇل اسىل تاستى قايتەسىز؟ (الامىن، المايمىن)

 8. لاستانعان كولشىكتىڭ قاسىندا تاعى ءبىر كولشىك بار، بۇل كولشىكتىڭ سۋى ءموپ- ءمولدىر، بەتىندە اقشا قالقىپ جۇرەدى، ونى ءسىز تەرىپ الاسىزبا؟ (الامىن، المايمىن)

 9. قالا قورعانىنىڭ ەندى ءبىر باسىندا شىعاتىن ەسىك بار، ءسىز وسى ەسىك ارقىلى قالا قورعانىنان شىعىپ كەتتىڭىز. ودان شىققانىڭىزدا ۇلكەن گۇل باقشاسىن كوردىڭىز، باقشادان ءبىر ساندىق كوزىڭىزگە ءتۇستى. سىزشە ساندىقتىڭ ۇلكەندىگى قانداي؟ (كىشكەنە، ورتاشا، ۇلكەن)

 10. ساندىق قانداي ماتەريالدان جاسالعان؟ (قاتتى قاعازدان، اعاشتان، مەتالدان)

 11. ساندىققا جاقىن جەردەن گۇل باقشانىڭ ىشىنەن كوپىر كورىنەدى. سىزشە ونى نەدەن سالعان؟ (مەتالدان، اعاشتان، وسىمدىك ساباعىنان)

 12. كوپىردىڭ قاسىنا كەلگەنىڭىزدە ءبىر ارعىماقتى كورەسىز، سىزشە ارعىماقتىڭ ءتۇسى قانداي؟ (اقبوز، كۇرەڭ، قارا)

 13. ارعىماق نە ىستەپ تۇر؟ (تىنش مۇلگىپ تۇر، جايىلىپ تۇر، شاپقىلاپ ءجۇر)

 14. ارعىماققا جاقىنداۋ جەردە قاتتى قۇيىن سوعىپ كەتتى، ءسىز نە ىستەيسىز؟

 جۇگىرىپ بارىپ ساندىققا تىعىلامىن.

 جۇگىرىپ بارىپ كوپىردىڭ استىنا تىعىلامىن.

 ارعىماققا مىنە قاشامىن.

 جاۋاپ:

 1. ەسىك.

 اشىق ەسىك: ءسىزدىڭ قانداي ءىس بولسا دا باسقالار مەن ورتاق يگىلىكتەنۋدى قالايتىن ادام ەكەنىڭىزدى بەينەلەيدى.

 جابىق ەسىك: قانداي ىسكە تاپ بولساڭىز دا جالعىز ءوزىڭىز شەشۋدى ءجون سانايتىن ادام ەكەنىڭىزدى بەينەلەيدى.

 2. ۇستەل.

 دوڭگەلەك، سوپاقشا فورماداعىلار: سىزگە سەرىك بولاتىن بىرنەشە دوستارىڭىز بار، ءسىز ولارعا وتە سەنىم ارتاسىز.

 كۆادرات، تىك ءتورتبۇرىش فورمالىلار: ءسىز دوس تالعايسىز، تەك جاقسى تانيتىن ادامدارىڭىزبەن عانا دوس بولا الاسىز.

 ءۇشبۇرىش فورمالىلار: ءسىز وتە قازىمىر ادامسىز، سوندىقتان دوسىڭىز كوپ ەمەس.

 3. قۇمىراداعى سۋ.

 قۇرعاق: ءسىز كوز الداعى تۇرمىسىڭىزعا ريزا ەمەسسىز.

 ورتاشا سۋ: ءسىزدىڭ تۇرمىسىڭىز ءسىز ارمانداعان تۇرمىسقا جارتىلاي بولسا دا جاقىن.

 تولى سۋ: ءسىز قازىرگى تۇرمىسىڭىزعا وتە ريزاسىز.

 4. قۇمىرانىڭ ماتەريالى.

 اينەك، فارفور، بالشىق: ءسىزدىڭ تۇرمىستا دارمەنسىز، باسقالاردىڭ كومەگىنە مۇقتاج ەكەنىڭدى بەينەلەيدى.

 مەتال، پلاستيك: ءسىزدىڭ تۇرمىستا مىقتى ادام ەكەنىڭىزدى بەينەلەيدى.

 5. كىلت.

 تەك ءبىر عانا: ءسىزدىڭ تەك جالعىز دوسىڭىز عانا بار.

 بىردەن بەسكە دەيىن: ءسىزدىڭ بىرنەشە دوسىڭىز بار.

 التىدان ونعا دەيىن: كوپتەگەن دوستارىڭىز بار.

 6. قالا قورعانى.

 ەسكى قورعان: ءسىزدىڭ وتكەن ومىرىڭىزدە ارالاسقان دوستارىڭىز ءجايلى كوڭىلسىز، ەسكە الۋعا تاتىمايتىن ىستەر بولعان.

 جاڭا قورعان: ءسىزدىڭ وتكەندەگى دوستارىڭىزبەن بولعان تاماشا قارىم- قاتىناس سەزىمىڭىز جۇرەگىڭىزدىڭ تۇپكىرىندە ساقتالعان.

 7. لاس كولشىكتەگى اسىل تاس.

 العان بولساڭىز: ءسىزدىڭ ومىرلىك جارىڭىز قاسىڭىزدا بولسا دا، ءسىز باسقالارعا قىرىندايسىز.

 الماعان بولساڭىز: ءسىزدىڭ ومىرلىك قوساعىڭىز قاسىڭىزدا بولسا، ءسىز تەك وسى اداممەن بىرگە بولاسىز.

 8. ءمولدىر كولشىكتەگى اقشالار.

 العان بولساڭىز: ءسىزدىڭ ومىرلىك قوساعىڭىز ءسىزدىڭ قاسىڭىزدا بولماسا، ءسىز ماڭايداعىلارىڭىزبەن جاقسى بولاسىز.

 الماعان بولساڭىز: ءسىزدىڭ ومىرلىك قوساعىڭىز ءسىزدىڭ قاسىڭىزدا بولماسا دا، ءسىز وعان ماڭگى ادالسىز.

 9. ساندىقتىڭ ۇلكەن- كىشىلىگى.

 كىشكەنە: جاۋاپكەرسىز.

 ورتاشا: ءمالىم مولشەردە جاۋاپكەرشىلىك بار.

 ۇلكەن: جاۋاپكەرشىلىگى كۇشتى.

 10. ساندىقتىڭ ماتەريالى.

 قاتتى قاعازدان، اعاشتان (سىرتى جارقىرامايدى) : ءسىز كىشپەيىل جانسىز.

 مەتال: ماقتانشاق ءارى توڭمويىن جانسىز.

 11. كوپىردىڭ ماتەريالى.

 مەتال: دوستارىڭىزبەن وتە جاقىن، قويۋ بايلانىستاسىز.

 اعاش: دوستارىڭىزبەن بەلگىلى دارەجەدە بايلانىستاسىز.

 ءورىم: ءسىزدىڭ اينالاڭىزدا ەشقانداي دوسىڭىز جوق.

 12. اتتىڭ ءتۇسى.

 اقبوز ات: ءسىزدىڭ قوساعىڭىز ءسىزدىڭ جۇرەگىڭىزدە كىرشىكسىز ءارى ارداقتى.

 كۇرەڭ ارعىماق: ءسىزدىڭ قوساعىڭىز ءسىزدىڭ جۇرەگىڭىزدە ادەتتەگىدەي عانا.

 قارا تۇلپار: ءسىزدىڭ قوساعىڭىز ءسىزدىڭ جۇرەگىڭىزدە تىم جاقسى ەمەس ءتىپتى جامان بولۋ مۇمكىن.

 13. اتتىڭ قيمىلى.

 تىنىش تۇرعان نە جايىلىپ تۇرعاندى تاڭداعان بولسا: ءسىزدىڭ قوساعىڭىز ءۇيدىڭ قامىن جەيتىن كىشىپەيىل ادام.

 شاپقىلاعاندى تاڭداعان بولسا: ءسىزدىڭ قوساعىڭىز تۇرپايى ادام.

 14. ەڭ سوڭعى ءارى ەڭ ماڭىزدى سۇراق، ءيا، اڭگىمەنىڭ اياعى بوران سوققانعا كەلدى، سول جاعدايعا نە ىستەدىڭىز:

 جۇگىرىپ بارىپ ساندىققا تىعىلامىن.

 جۇگىرىپ بارىپ كوپىردىڭ استىنا تىعىلامىن.

 ارعىماققا مىنە قاشۋ.

قازىر ءبىز بۇل زاتتاردىڭ نەنى بەينەلەيتىنىنە قارايىق:

 سوققان قۇيىن: ءسىزدىڭ ومىرىڭىزدەگى قيىنشىلىق.

 ساندىق: ءوزىڭىز

 كوپىر: دوسىڭىز

 جىلقى: ومىرلىك قوساعىڭىز.

 ساندىققا تىعىلۋ: قانداي قيىنشىلىققا كەزدەسسەڭىز دە جالعىز ءوزىڭىز قارسى تۇراسىز.

 كوپىردىڭ استىنا بارۋ: مەيلى قانداي ۋاقىتتا قانداي قينشىلىققا جولىقساڭىز دا دوستارىڭىزبەن بىرگە شەشەسىز.

تۇلپاردى تاڭداعان بولساڭىز: قانداي قيىنشىلىق، بوران- شاشىندى كۇندە دە ومىرلىك قوساعىڭىزبەن بىرگە وتكىزەسىز.

سوڭعى جاڭالىقتار