باتىسقا ىلەسەم دەپ اتا-بابا سالتىن ۇمىتۋعا بولمايدى - ەلباسى
«جاستاردىڭ بويىندا الەۋمەتتىك جاۋاپكەرشىلىك، قورشاعان ورتانى ايالاۋ سەزىمىن قالىپتاستىرۋ ەڭ نەگىزگى مىندەت. سەبەبى ونىڭ بارلىعى - بولاشاقتارىڭ. اسىرەسە ۇلكەنگە قۇرمەت، كىشىگە ىزەت ءبىلدىرۋدىڭ، مەيىرىمدىلىك پەن ادامگەرشىلىك قاسيەتتەردى دامىتۋدىڭ ماڭىزى زور. ءبىزدىڭ اتا-بابامىزدان قالعان سالتىمىز بار. كىشىلەر ۇلكەندى سىيلايدى، ەرلەر ايەلدى سىيلايدى. باتىسقا ىلەسەمىز، دەموكرات بولامىز دەپ مۇنىڭ بارلىعىن ۇمىتۋىمىزعا بولمايدى»، - دەدى ەلباسى.
مەملەكەت باسشىسى قارتتار ۇيىندە قازاقتىڭ اتا-اجەلەرىنىڭ وتىرعانىنا قابىرعاسى قايىساتىندىعىن باسا ايتتى.
«قازاقتا مۇنداي بالە بولعان جوق. اكەسىن، قارتايعان شەشەسىن ۇيىندە ۇستايتىن. كىشى بالاسىن وتاۋ يەسى دەپ ايتقان. قازاقتا بالاسىن جەتىمدەر ۇيىنە بەرۋ بولعان جوق. مۇنداي جەتىمدەر ءۇيى قازاقستاندا بولماۋى كەرەك. جەتىم بالار ۇيىندەگى بالالاردى اسىراپ الۋ قاجەت»، - دەدى نۇرسۇلتان نازاربايەۆ.
ايتا كەتەيىك، استانادا «تاۋەلسىزدىكتىڭ ۇرپاقتارى» اتاۋىمەن جاستار جىلىنىڭ اشىلۋ سالتاناتى ءوتىپ جاتىر.