جاس كاسىپكەر ەلباسىنا قازاقستاننىڭ يميدجىن كوتەرەتىن جوباسىن تانىستىردى

استانا. قازاقپارات - «تاۋەلسىزدىك ۇرپاقتارى» اتتى جاستار جىلىنىڭ اشىلۋىندا جاس كاسىپكەر راسۋل ابدۋللايەۆ ەلباسى نۇرسۇلتان نازاربايەۆقا ەلىمىزدىڭ يميدجىن كوتەرۋگە باعىتتالعان جوبانى تانىستىردى، دەپ حابارلايدى قازاقپارات ءتىلشىسى.

«قۇرمەتتى نۇرسۇلتان ءابىش ۇلى، جاستار جىلىندا سىزگە شارتتى اتاۋى قازاقستان رەسپۋبليكاسىنىڭ ماركەتينگ مينيسترلىگى دەگەن جوباسىن ۇسىنباقپىن. ونىڭ ميسسياسى - قازاقستاندى الەمدىك ارەنادا رەمبرەندينگىلەۋ. بۇل بارلىق ۆەدومستۆولاردى دامىتۋ مەن قولداۋدا، PR- قىزمەتتەرىن جاقسارتۋعا، «رۋحاني جاڭعىرۋ» يدەولوگيامىزدىڭ تانىمالدىعىن ارتتىرۋعا مۇمكىندىك بەرەر ەدى»، - دەدى راسۋل ابدۋللايەۆ.

سونىمەن قاتار ول «كەكس» اگەنتتىگىنىڭ كومەگىمەن قازاقستان نارىعىن قامتيتىن ءتۇرلى جوبالاردى جاساپ جاتقاندىقتارىن دا ايتتى. ماسەلەن، «You Frame Burger» مەيرامحانالار جەلىسى بۇگىندە «Burger King» جانە «McDonalds» سىندى برەندتەرگە باسەكەلەس بولىپ وتىر. راسۋل الداعى 5 جىلدا ءدال وسىنداي 100 دەن استام مەريامحانا اشۋدى جوسپارلاۋدا.

«الداعى جىلدارى جۇزەگە اسىرۋدى جوسپارلاپ وتىرعان جوبالارىمىزدى تانىستىرۋعا رۇقسات ەتىڭىزدەر. ەڭ الدىمەن بۇل - ەلىمىزدە 4,1 ميلليون جازىلۋشى اۋديتورياسى بار جانە كۇندەلىكتىكتى 20 ميلليون كورسەتىلىمدى قامتيتىن «YouFrame»  شىعارماشىلىق بىرلەستىگى. ءبىزدىڭ ۇجىمنىڭ ميسسياسى - الەم بويىنشا قازاقستاندىق كونتەنت قۇرۋ. ءبىز شەتەلدىك نارىققا دا كىرىپ جاتىرمىز جانە رەسەيدەگى اۋديتوريامىز ءبىر ميلليون ادامنان استى. ءبىزدىڭ شىعارماشىلىعىمىز الەمدى تاڭ قالدىرماقپىز»، - دەدى ول.

ايتا كەتەيىك، استانادا جاستار جىلىنىڭ اشىلۋ سالتاناتى ءوتىپ جاتىر.