شەتەل ازاماتتارىنىڭ زاڭسىز كوشى-قونىن ۇيىمداستىرعان قىلمىستىق توپ سوتتالدى

None
None
استانا. قازاقپارات - وزبەكستان مەن تاجىكستان ازاماتتارىنىڭ زاڭسىز كوشى-قونىن ۇيىمداستىرعان قىلمىستىق توپ مۇشەلەرى سوتتالدى.

مۇنداي دەرەك ق ر باس كولىك پروكۋراتۋراسىنىڭ 2018-جىلعى جۇمىس قورىتىندىسىنا ارنالعان القا وتىرىسىندا جاريا ەتىلگەن، دەپ حابارلايدى قازاقپارات ءتىلشىسى.

«ەلىمىزگە ا ق ش- تان زەرگەرلىك بۇيىمدار مەن سيرەك كەزدەسەتىن زاتتاردى كونتراباندالىق جولمەن اكەلۋ بويىنشا ۇيىمداسقان قىلمىستىق توپتىڭ قىزمەتى توقتاتىلدى. وزبەكستان مەن تاجىكستان ازاماتتارىنىڭ زاڭسىز كوشى-قونىن ۇيىمداستىرۋىمەن اينالىسقان، قۇرامىندا 32 ادامى، ونىڭ ىشىندە ۇ ق ك شەكارا قىزمەتىنىڭ 14 اسكەري قىزمەتشىسى جانە كوشى-قون پوليتسياسىنىڭ 4 قىزمەتكەرى بار ۇيىمداسقان قىلمىستىق توپ مۇشەلەرى سوتتالدى»، - دەلىنگەن اتالعان ۆەدومستۆو تاراتقان مالىمەتتە.

سونىمەن قاتار پروكۋرورلاردىڭ الدىن الۋ شارالارىنىڭ ناتيجەسىندە اسا اۋىر قىلمىستار 58، اۋىر قىلمىستار 2، اۋىرلىعى ورتاشا قىلمىستار 9 جانە اۋىر ەمەس قىلمىستار 37 پايىزعا تومەندەدى.

سيفرلاندىرۋ باعدارلاماسى اياسىندا ەلەكتروندىق فورماتتا 52 قىلمىستىق ءىس تەرگەلىپ، ونىڭ ىشىندە 47 ءسى اياقتالدى، 5 ءۋى سوتقا جولداندى. سوتتار 1302 ادامعا قاتىستى 1105 قىلمىستىق ءىس قارادى. باس بوستاندىعىنان 84 ادام ايىرىلدى. ەنگىزىلگەن اپەللياتسيالىق وتىنىشتەر سانى 2017-جىلمەن سالىستىرعاندا 3 ەسەگە ءوستى. ولاردى قاراۋ ناتيجەلەرى بويىنشا 47 ادامعا قاتىستى 33 ءىس بويىنشا سوتتاردىڭ قاتەلىكتەرى تۇزەتىلدى.

سوڭعى جاڭالىقتار