استانادا جاستار جىلىنىڭ اشىلۋى وتەدى

None
None
استانا. قازاقپارات - بۇگىن استانا قالاسىندا «تاۋەلسىزدىكتىڭ ۇرپاقتارى» اتاۋىمەن جاستار جىلىنىڭ اشىلۋ سالتاناتى وتەدى، دەپ حابارلايدى قازاقپارات ق ر قوعامدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.

ءىس-شاراعا مەملەكەت باسشىسى، ۇكىمەت مۇشەلەرى، ق ر پارلامەنتى دەپۋتاتتارى، جەرگىلىكتى اتقارۋشى ورگاندار باسشىلارى، ق ر پرەزيدەنتى جانىنداعى جاستار ساياساتى كەڭەسىنىڭ مۇشەلەرى، «100 جاڭا ەسىم» بايقاۋىنىڭ جەڭىمپازدارى، «بولاشاق» باعدارلاماسىنىڭ تۇلەكتەرى، جاس عالىمدار قاتىسادى دەپ كۇتىلۋدە. سونىمەن قاتار بۇل جيىنعا شىعارماشىلىق، ستۋدەنتتىك جانە جۇمىسشى جاستار وكىلدەرى، جاس سپورتشىلار، دارىندى بالالار، زاماناۋي مەديا سالاسىنىڭ وكىلدەرى، بالالار ءۇيىنىڭ تاربيەلەنۋشىلەرى مەن تۇلەكتەرى، جاس اسكەري قىزمەتشىلەر شاقىرىلدى.

وسىلايشا، ەلىمىزدە مەملەكەتتىك جاستار ساياساتىن جان-جاقتى قولداۋ مەن جۇزەگە اسىرۋعا باعىتتالعان اۋقىمدى ءىس-قيمىل جوسپارىن ىسكە اسىرۋ باستاۋ الاتىن بولادى.

سالتاناتتى جيىن بارىسىندا جاستار جۇزەگە اسىرعان تابىستى جوبالار مەن جاڭا ونىمدەر دە تانىستىرىلادى.

بۇدان بۇرىن حابارلانعانداي، قازاقستاندا جاستار جىلىنىڭ لوگوتيپى بەكىتىلدى.

ەسكە سالا كەتسەك، ق ر پرەزيدەنتى نۇرسۇلتان نازاربايەۆ قازاقستان حالقىنا بيىلعى جولداۋىندا 2019-جىلدى جاستار جىلى دەپ جاريالاۋدى ۇسىنعان بولاتىن.

پرەزيدەنت ءوز سوزىندە جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەكتىگىن ايتقان بولاتىن

ال، ارادا ءبىر ايدان استام ۋاقىت وتكەندە ەلباسى جارلىعىمەن 2019-جىل جاستار جىلى دەپ جاريالاندى.

سوڭعى جاڭالىقتار