تۇركىستاندا العاش رەت سامبو كۇرەسىنەن جارىس ءوتىپ جاتىر

تۇركىستان. قازاقپارات - تۇركىستاندا العاش رەت سامبو كۇرەسىنەن جاستار مەن ەرەسەكتەر اراسىندا جارىس ءوتىپ جاتىر.

سايىسقا وڭىردەگى بارلىق قالا-اۋدانداردان 240 بالۋان قاتىستى، دەپ حابارلايدى قازاقپارات ءتىلشىسى.

بەكزات ساتتارحانوۆ اتىنداعى سپورت كەشەنىندە وتكەن شارا ەل چەمپيوناتىنا ۇزدىكتەردى ىرىكتەۋ ماقساتىندا ۇيىمداستىرىلدى. سونداي-اق، اقپان ايىندا اقتاۋ قالاسىندا وتەتىن جاستار اراسىندا ق ر چەمپيوناتى جانە سەمەيدە ەرەسەكتەر اراسىندا ەل چەمپيوناتىنا ۇزدىكتەردى ىرىكتەۋ بولدى. سپورتشىلار 10 سالماق دارەجەسى بويىنشا سىنعا ءتۇستى.

«مەن تەك سامبومەن ەمەس، دزيۋدو، قازاقشا كۇرەس باسقا دا كۇرەس تۇرلەرىمەن اينالىسامىن. وسى جارىستا جەڭىپ، ەل چەميوناتىنا شىقساق دەگەن نيەتىم بار. قازىر 56 كەلىدە كۇرەسەمىن. قارسىلاستارىمنىڭ بارلىعى وسال ەمەس ەكەنىن بايقادىم. بارلىعىنىڭ دايىندالىپ كەلگەنى بايقالادى. دەگەنمەن العاشقى كەزدەسۋىمدە كەلەس اۋدانىنان كەلگەن سپورتشىمەن بەلدەسىپ، 8:0 ەسەبىمەن ايقىن باسىمدىقپەن جەڭىسكە جەتتىم»، - دەيدى شاردارادان كەلگەن بالۋان بەكسۇلتان سىربەك.

جارىستىڭ قورتىندىسى بۇگىن، 23- قاڭتاردا بەلگىلى بولماق. ونىڭ جەڭىمپازدارى ەل چەمپيوناتىنا جولداما الادى.