قازاقستان تۇرعىنداردى تەگىن سكرينينگتەن وتكىزەتىن ت م د- داعى جالعىز ەل

None
None
 الماتى. قازاقپارات - 2019 -جىلى ميليونداعان قازاقستاندىق ايەلدەردى جاتىر مويىنى قاتەرلى ىسىگىنە تەكسەرەدى.

بۇل تۋرالى الماتىداعى باسپا ءسوز ءماسليحاتىندا ق ر دەنساۋلىق ساقتاۋ مينيسترلىگىنىڭ باس ونكولوگى ديليارا قايداروۆا ايتتى، دەپ حابارلايدى قازاقپارات ءتىلشىسى.

«جاتىر مويىنى قاتەرلى ىسىگى - گينەكولوگقا بارىپ، تۇراقتى تۇردە تەكسەرىلىپ تۇرسا، ونكولوگيانى الدىن الۋعا بولاتىن جالعىز ءتۇرى. 30-70 جاس ارالىعىنداعى بارلىق ايەلدەر ءوز ەمحانالارىندا جاتىر مويىنى قاتەرلى ىسىگىنە تەگىن سكرينينگتەن وتە الادى. تەكسەرۋ ناتيجەسى جاقسى شىقسا، ايەلدەر 4  جىلدان كەيىن قايتا سكرينينگەن وتە الادى. ويداعىداي شىقپاسا، ارى قاراي ونكوگينەكولوگقا جانە باسقا دا ماماندارعا ەم الۋعا جىبەرىلەدى. قازاقستان - تۇرعىندار ءۇشىن تەگىن سكرينينگتەر جاسالاتىن ت م د- داعى جالعىز ەل» ، - دەدى ديليارا قايداروۆا.

ايتا كەتەيىك، دۇنيەجۇزىلىك دەنساۋلىق ساقتاۋ ۇيىمى 2019 -جىلدى - جاتىر مويىنى قاتەرلى ىسىگىنە قارسى كۇرەس جىلى دەپ جاريالادى.

«ءبىز ينستيتۋتىمىزدا زەرتتەۋ جۇمىسىن جۇرگىزدىك. ءبىزدىڭ ماماندارىمىز انىقتاعانداي، جاتىر مويىنى قاتەرلى ىسىگى 16 جانە 18 تيپتەگى پاپيللوما ۆيرۋسى سالدارىنان پايدا بولادى. سوندىقتان، ەكى ۆالەنتتى ەكپە سالدىرىپ الۋ قاجەت. ا ق ش پەن كانادادا ۆاكسيناتسيا 10 جىلدان بەرى جۇرگىزىلىپ كەلەدى» ، - دەدى ديليارا قايداروۆا.

 قازاقستاندا جاتىر مويىنى قاتەرلى ىسىگى جاعدايى جىلىنا 1700 رەت تىركەلسە، سونىڭ ىشىندە 600 ايەل ومىردەن وزعان. بۇل اۋرۋعا كوبىنە 40-44 جاس ارالىعىنداعى ايەلدەر شالدىعادى.

 

اۆتور: گۋلزات ساحوۆا

سوڭعى جاڭالىقتار