استانالىق دارىگەرلەردىڭ بيىلدان باستاپ قانشا جالاقى الاتىنى بەلگىلى بولدى
«جەتەكشىلىك قۇرامنىڭ جۇمىس تيىمدىلىگىن كوتەرۋ ءۇشىن بيىل %50 جوعارى جاڭا جالاقىلار تاعايىندالدى. بيىلدان باستاپ، باس دارىگەرلەر ءوز ۇيىمىنىڭ بەيىنى مەن جۇكتەمەسىنە قاراي، اي سايىن 350-550 مىڭ تەڭگە ارالىعىندا جالاقى الادى. ءار مەيرام سايىن بەرىلەتىن سىياقىلار دا توقتاتىلدى. ونىڭ ورنىنا جارتىجىلدىق قورىتىندىسى بويىنشا جاقسى ناتيجە كورسەتكەن مامانداردى قولداۋ بويىنشا جاڭا بونۋستىق جۇيەلەر قاراستىرىلعان. وسىلايشا، ءتيىمدى جۇمىسقا جاعداي جاساپ، ەمحانا جەتەكشىلەرىنەن ناقتى ناتيجە تالاپ ەتە الامىز» ، - دەدى كامالجان نادىروۆ استانادا وتكەن باسپا ءسوز ءماسليحاتىندا.
ونىڭ ايتۋىنشا، استاناداعى دارىگەرلەردىڭ ورتاشا جالاقىسى ەمحانالاردا - 150-160 مىڭ تەڭگە، اۋرۋحانالاردا - 180-200 مىڭ تەڭگەنى قۇرايدى.
«بارلىعى كورسەتىلەتىن قىزمەتكە بايلانىستى وزگەرىپ وتىرادى. ءبىزدىڭ اۋرۋحانالاردا ءارتاراپتاندىرىلعان ەڭبەكاقى تولەۋ تاجىريبەسى ەنگىزىلگەن. ياعني، قانداي جۇكتەمەدە جۇمىس ىستەگەنىڭىزبەن جانە قاي سالاعا بەيىمدەلگەنىڭىزبەن بايلانىستى» ، - دەپ ءتۇسىندىردى باسقارما باسشىسى.
ك. نادىروۆ جوعارى تەحنولوگيالى وتالار جاسايتىن دارىگەرلەردىڭ اناعۇرلىم كوبىرەك جالاقى الاتىنىن جەتكىزدى.