قازاقستاندا جاستار جىلىنىڭ لوگوتيپى بەكىتىلدى
23 - قاڭتاردا استانادا قازاقستانداعى جاستار جىلىنىڭ رەسمي اشىلۋى وتەدى. اتالعان ءىس- شارا ەلىمىزدە مەملەكەتتىك جاستار ساياساتىن جان- جاقتى قولداۋ مەن جۇزەگە اسىرۋعا باعىتتالعان اۋقىمدى ءىس جوسپارلاردى جۇزگە اسىرۋعا باستاۋ بولماق.
«وسىعان وراي «جاستار جىلىنىڭ» لوگوتيپى ازىرلەندى، وندا جىل سايىنعى كوشى- قون كەزىندەگى تىرنالاردىڭ ۇشۋى كورسەتىلگەن. ۇشۋدىڭ بۇل ءتاسىلى- ۇلكەن قۇستارعا ەنەرگيانى كوپ قاجەت ەتەتىن قاشىقتىقتى ەڭسەرۋگە مۇمكىندىك بەرەدى. ۇشۋ بارىسىندا ءاربىر قۇستىڭ قاناتىنىڭ سوڭىندا اۋە كەپتەلىسى پايدا بولادى، وسىنىڭ ارقاسىندا قۇستار جيناقىلانىپ، بىرلەسكەن ءىس- قيمىلدىڭ ارقاسىندا بيىكتىكتە سامعاۋ ءۇشىن قوسىمشا جەڭىلدىككە يە بولادى» ، - دەلىنگەن مينيسترلىك حابارلاماسىندا.
تاراتىلعان مالىمەتكە قاراعاندا، اتالعان باستاما جاستاردىڭ ءوزارا ءىس- قيمىلى ۇستانىمىن ايعاقتايتىن ەڭ جاقسى ءتاسىلى بولىپ وتىر. تىرنالار جاستىق، باقىت پەن ساتتىلىكتى بەينەلەيدى.
«جاستار ساياساتىنداعى نەگىزگى جەتىستىكتەرگە بىرلەسكەن كۇش- جىگەرلەر، تاجىريبە الماسۋ جانە جاستاردىڭ ءبىلىمى ارقىلى قول جەتكىزىلدى. اۆتورلار لوگوتيپتىڭ تۇستىك گامماسىنا ەرەكشە كوڭىل بولگەن. مىسالعا، سارى ءتۇس ءپوزيتيۆتى ەنەرگەتيكانى، مەرەكەنى، كۇننىڭ نۇرىن، ال كوگىلدىر ءتۇس كەڭشىلدىكتى، شىعارماشىلىق الەۋەتتى بىلدىرەدى. كوك ءتۇس رۋحاني تازالىق پەن كەمەلدىكتى، قىزعىلت- سارى ءتۇس تۇراقتىلىقتىڭ، قۋانىشتىڭ، دوستىق قارىم- قاتىناستىڭ سيمۆولى بولادى» ، - دەپ ءتۇسىندىردى ۆەدومستۆو وكىلدەرى.