التى جاسار قىتايلىق شاشتاراز بالا ءوز ونەرىمەن جۇرتتى ءتانتى ەتتى

None
None
 استانا. قازاقپارات - ءوزىنىڭ جاسىنا قاراماستان التى جاسار قىتايلىق تسزيان حۋنتسي كەز كەلگەن ستيليستپەن تايتالاسا الادى.

ءسان سالونى يەلەرىنىڭ مۇراگەرى ءتورت جاسىنان باستاپ شاش ساندەۋدىڭ شەبەرلىگىن ۇيرەنىپ كەلەدى. بۇل تۋرالى woman.ru سايتىنا سىلتەمە جاساعان NUR. KZ حابارلايدى.

التى جاسار تسزيان حۋنتسيدىڭ اتا-اناسى سىچۋان پروۆينتسياسى سۋنين قالاسىنداعى ءسان سالونىنا يەلىك ەتەدى. سوندىقتان بالانىڭ شاش ساندەۋ ونەرىنە جاقىن بولۋى تاڭ قالارلىق جاعداي ەمەس.

العاشىندا ول ۇلكەندەردىڭ قاراۋىمەن جۇمىس ىستەسە، قازىر ەشكىمنىڭ كومەگىنسىز شاش ساندەيدى ەكەن.

جاس ستيليستىڭ اتا-اناسى بالانىڭ جۇمىس ىستەۋ بارىسىن ۆيدەوعا ءتۇسىرىپ، جەلىگە جاريالاپ وتىرعان ەكەن.

بىرنەشە ۋاقىتتان كەيىن شاشتاراز بالاقاي ميلليونداعان وقىرماننىڭ كوزايىمىنا اينالىپتى.

«وتە كىشكەنتاي، ءبىراق ءوز ءىسىنىڭ مامانى»، «مەن ونىڭ جاسىندا قۇممەن ويناپ وتىرعانمىن»، «مىنە يكەمدىلىك، كەرەمەت!»، - دەپ جازعان ولار.

كوپتەگەن پىكىر قالدىرۋشىلار تسزياننىڭ وزدەرىنە شاش ۇلگىسىن جاساپ بەرۋىن قالايتىندارىن ايتقان.

سوڭعى جاڭالىقتار