قازاقستاندىق تەلەجۇرگىزۋشىنىڭ جاڭىلتپاش وقىعان ءساتى امەريكالىقتاردى تاڭعالدىردى

 استانا. قازاقپارات - جاڭالىقتار جۇرگىزۋشىسى، بەلگىلى جۋرناليست ەرقانات كوپجاساردىڭ ەفير الدىندا جاتتىعۋ جاساپ، جاڭىلتپاش وقىعان ۆيدەوسى امەريكالىقتاردىڭ نازارىن اۋداردى.

Reddit سايتىنىڭ وقىرماندارى قازاق ءتىلىنىڭ ەرەكشەلىگىنە نازار اۋداردى، دەپ جازادى Stan.kz.

كەي وقىرماندار قازاق ءتىلىن تۇسىنبەسە دە، تەلەجۇرگىزۋشىنىڭ ەفير الدىندا جاتتىعىپ وتىرعانىن بولجاعان.

«ول جاتتىعۋ جاساپ وتىرعان سياقتى»، - دەيدى امەريكالىق وقىرمانداردىڭ ءبىرى ۆيدەوعا جازعان پىكىرىندە.

«ارتىندا تۇرعان تەلەديداردان ەشنارسە كورسەتىپ جاتقان جوق. سوعان قاراعاندا سىزدىكى راس»، - دەپ قوشتادى ەكىنشىسى.

«بىزگە وسى ءتىلدى بىلەتىن ادام كەرەك»، - دەپ قىزىقتى تاعى ءبىر وقىرمان.

ايتا كەتەيىك، ەرقانات كوپجاساردىڭ اتالعان ۆيدەوسى امەريكالىق سايتتا 100 مىڭنان اسا قارالىم جيناپ، قىزۋ تالقىعا تۇسكەن.