استاناعا كەلەتىن «سارىارقا» گاز قۇبىرىنىڭ قۇرىلىسى قالاي ءجۇرىپ جاتىر؟
بۇل تۋرالى ۇكىمەتتىڭ سەلەكتورلىق رەجىمدەگى وتىرىسىندا ق ر ەنەرگەتيكا ءمينيسترى قانات بوزىمبايەۆ ايتتى، دەپ حابارلايدى قازاقپارات ءتىلشىسى.
ونىڭ دەرەگىنشە، 2018-جىلعى 19- قاراشادا «استانا گاز ق م گ» ا ق مەن «قاز قۇرىلىس سەرۆيس» م گ ق ك» ا ق اراسىندا «سارىارقا» ماگيسترالدىق گاز قۇبىرىن سالۋ تۋرالى شارتقا قول قويىلعان.
«استانا گاز ق م گ» ا ق تولەۋ ءۇشىن جوسپارلانعان 163,7 ميلليارد تەڭگەدەن «قاز قۇرىلىس سەرۆيس» م گ ق ك» ا ق- عا 117 ميلليارد تەڭگە كولەمىندە اۆانستىق تولەم تولەدى. اۆانستىق تولەمنىڭ قالعان بولىگى بانكتىك كەپىلدىك العاننان كەيىن تولەنەدى.
«سارىارقا» ماگيسترالدىق گاز قۇبىرىن سالۋ جونىندەگى شارتقا سايكەس، 2018-جىلعى 29- جەلتوقساندا «استانا گاز ق م گ» ا ق مەن «قاز قۇرىلىس سەرۆيس» م گ ق ك» ا ق اراسىندا وسى جوبا بويىنشا جۇمىستاردى ورىنداۋ كەستەسىنە قول قويىلدى. كەستەگە سايكەس ءبىر مەزگىلدە 5 جەلىلىك اعىندى جۇزەگە اسىرۋ ارقىلى ماگيسترالدىق گاز قۇبىرىن سالۋ جوسپارلانىپ وتىر. كران توراپتارىن، گاز ولشەۋ ستانتسيالارىن، اۆتوماتتاندىرىلعان گاز تاراتۋشى ستانسالاردى، ەلەكترو-حيميالىق قورعاۋ قوندىرعىلارىن مونتاجداۋ جانە قۇبىرعا گيدروسىناق جۇرگىزۋ ارقىلى ماگيسترالدىق گاز قۇبىرىنىڭ جەلىلىك بولىكتەرىن سالۋدى اياقتاۋ 2019-جىلدىڭ سوڭىنا قاراي بەلگىلەندى»، - دەدى ول.
ونىڭ دەرەگىنشە، مەردىگەردىڭ تەحنيكاسىن، جابدىقتارى مەن پەرسونالىن جۇمىلدىرۋ قاڭتاردىڭ سوڭىندا باستالادى.
«تراسسانى دايىنداۋ اعىمداعى جىلدىڭ 27- اقپانىندا باستالماق. بۇل رەتتە، جەلىلىك قۇبىردىڭ ءبىرىنشى پارتياسىن جەتكىزۋدى ناۋرىزدا باستاپ، تامىزدا اياقتاۋ جوسپارلانىپ وتىر. جەلىلىك قۇبىرلاردى دانەكەرلەۋ جۇمىستارى 21- ناۋرىزدا باستالادى»، - دەدى قانات بوزىمبايەۆ.