جانداربەك بەكشين: قازاقستاندا قىزىلشا ءورشىپ تۇرعان جوق

استانا. قازاقپارات - قازاقستاننىڭ باس مەملەكەتتىك سانيتار دارىگەرى جانداربەك بەكشين قازاقستاندا قىزىلشانىڭ جاپپاي تارالماعاندىعىن ايتتى، دەپ حابارلايدى قازاقپارات ءتىلشىسى.

«قازاقستاندا قىزىلشاعا شالدىعۋدىڭ ەڭ جوعار دەڭگەيى 2005-جىلى تىركەلىپ، 16 مىڭ ادام اۋىرعان بولاتىن. سوڭعى ۋشىعۋ 2015-جىلى ورىن الىپ، سول كەزدە قازاقستاننىڭ 1,5 مىڭنان استام تۇرعىنى اۋىردى. قازىرگى ۋاقىتتا قىزىلشا ءورشىپ تۇر دەۋگە كەلمەيدى. وزدەرىڭىز دە كورىپ وتىرعانداي، قىزىلشا ايتا قويارلىقتاي ينفەكتسيا ەمەس. ءبىز ونى سيمپتومدىق ەمدەيمىز. ەڭ باستىسى دارىگەرگە دەر ۋاقىتىندا قارالۋ قاجەت»، - دەدى ول ۇكىمەت وتىرىسىنان كەيىن ب ا ق وكىلدەرىنە.

ونىڭ دەرەگىنشە، بۇگىنگە دەيىن ەلىمىزدىڭ اۋماعىنا قىزىلشاعا شالدىعۋدىڭ 700 دەن استام دەرەگى تىركەلگەن.