11:40, 22 - قاڭتار 2019 | GMT +6
الماتىدا ەرەكشە «چايكا» كولىگى ساتىلىمعا شىقتى
استانا. قازاقپارات - الماتىدا ەرەكشە «چايكا» اۆتوكولىگىن ساتىپ جاتىر. سالتاناتتى جيىنداردا عانا شىعاتىن گاز-14-05 ماركالى تەمىر تۇلپاردىڭ الەم بويىنشا 15 داناسى بار.
ەرەكشە كولىكتىڭ ساتىلىپ جاتقانى تۋرالى حابارلاندىرۋ Auto.ru سايتىندا جاريالانعان دەپ جازادى NUR. KZ.
حابارلاندىرۋدىڭ اۆتورى بۇل كولىكتىڭ 1987-جىلى جارىققا شىققانىن ايتادى. «چايكا» V ءپىشىندى 5,5 ليترلىك جانارماي قوزعالتقىش پەن قۋاتى 220 اتتىڭ كۇشىنە تەڭ سيليندرلەرمەن جابدىقتالعان.
ايتا كەتەرلىگى، مۇنداي كولىكتەردە تاسىمالداۋ قورابى بولعان. ساتۋشىنىڭ ايتۋىنشا، تەمىر تۇلپار ءمىنسىز كۇيدە.
وعان قوسا، قوجايىن گاز-14-05 ماركالى كولىگىنە قاتىستى تىڭ مالىمەتپەن ءبولىستى.
اۆتوردىڭ مالىمدەۋىنشە، مۇنداي ەرەكشە تەمىر تۇلپارلار 1982 مەن 1998-جىلدار ارالىعىندا عانا شىعارىلعان. ولاردىڭ ءبىر داناسى «گاز» مۇراجايىندا بولسا، تاعى ءبىرى «چايكا» ايگىلى فيدەل كاستروعا تيەسىلى بولعان.
سايتتاعى سوڭعى اقپاراتقا سايكەس، اۆتوكولىك ساتىلىپ كەتتى.