فاريزا وڭعارسىنوۆانىڭ شىعارماشىلىعىنا ارنالعان ادەبي- سازدى كەش وتەدى

None
None
استانا. قازاقپارات - 23 - قاڭتار كۇنى ەلوردادا قازاقستاننىڭ حالىق اقىنى فاريزا وڭعارسىنوۆانىڭ 80 جىلدىعىنا ارنالعان «مەن جالىنداپ وتەمىن» اتتى ادەبي- سازدى كەش وتكىزەدى، دەپ حابارلايدى قازاقپارات.

فاريزا وڭعارسىنوۆا - اسا كورنەكتى اقىن، قوعام قايراتكەرى. ول ءوزىنىڭ ومىرشەڭ وتتى جىرلارىمەن حالىقتىڭ ىستىق ىقىلاسىنا بولەنىپ، ەلدىڭ جۇمىر جۇرەگىنەن ماڭگىلىك ورىن تابا ءبىلدى. بۇگىنگى تاڭدا پوەزيا پاتشايىمىنىڭ ولەڭدەرىن كۇللى قازاق بالاسى ءسۇيىپ وقىپ، جاتقا ايتاتىنى جاسىرىن ەمەس. سەبەبى، اقىننىڭ ولەڭدەرىندە ۇلتتىق رۋح، ءمولدىر ماحاببات، تەربەتكەن ساعىنىش بار. ال، كومپوزيتورلار قاۋىمى بولسا، ونىڭ ولەڭدەرىن ءسۇيىپ قانا قويماي، اقىننىڭ سۇبەلى سوزدەرىنە نەبىر ماعىنالى، مازمۇندى اندەر دە شىعارىپ ءجۇر. كەش اياسىندا اياۋلى اقىننىڭ ولەڭدەرى وقىلىپ، سوزىنە جازىلعان اسەم اندەر دە شىرقالادى. كونسەرتتى تاماشالاۋعا كەلگەن پاتشا كوڭىلدى كورەرمەن «جانىم - دالا، كوگىنەن بۇلت ارىلماي»، «اينالايىن، ورالىم»، «قيماستارىم»، «فاريزا، فاريزا جان، فاريزا قىز» ت. ب تۋىندىلاردى تىڭداي الادى.

 استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ كونسەرتى «استانا» كونسەرت زالىندا «رۋحاني جاڭعىرۋ» باعدارلاماسىنىڭ اياسىندا تاريحي- مادەني مۇرانى ساقتاۋ، دامىتۋ جانە دارىپتەۋ ماقساتىندا وتكىزىلەدى.

Фариза ОңÒ

سوڭعى جاڭالىقتار