ۋاتساپتا حابارلامانى دوستارىڭمەن بولىسۋگە شەكتەۋ قويىلدى
كومپانيا بۇل شەشىم جالعان اقپاراتتارمەن كۇرەستى كۇشەيتۋ ءۇشىن جاسالىپ وتىرعانىن حابارلادى.
«كومپانيانىڭ ساياسات جانە كوممۋنيكاتسيا بويىنشا ۆيتسە- پرەزيدەنتى ۆيكتوريا گراند دجاكارتادا وتكەن شارادا اتالعان شەكتەۋ تۋرالى ايتتى. بىلتىر جاز ايىندا ءۇندىستانداعى تۇتىنۋشىلارعا تۋرا وسىنداي شەكتەۋ قويىلعان ەدى. الەم بويىنشا جيىرما ادامعا حابارلامانى قايتا جىبەرۋگە بولاتىن ەدى. ەندى بارلىق ەلدەردەگى مەسسەندجەر پايدالانۋشىلارى وسى ەرەجەگە باعىنادى»، - دەپ جازدى The Guardian باسىلىمى.
باسىلىمنىڭ رەسمي ساۋالىنا جاۋاپ بەرگەن WhatsApp كومپانياسىنىڭ كوممۋنيكاتسيا ءبولىمىنىڭ باسشىسى كارل ۆۋگ تۇتىنۋشىلاردىڭ ەڭ جاقىن ارالاساتىن دوستارىنىڭ سانى بەسەۋدەن اسپايدى دەپ ويلايتىندىقتان، وسى شەكتەۋگە توقتالعانىن ايتقان. «بۇل مەسسەندجەردى تەرىس ماقساتتا پايدالانۋعا شەكتەۋ قويادى دەپ ويلايمىز»، - دەدى ول.
ەستەرىڭىزگە سالا كەتسەك، بىلتىر ءۇندىستاندا اتالمىش قوسىمشا ارقىلى بالالار ۇرلىعى تۋرالى تاراعان حابارلامالار لەگىنەن كەيىن، كەلىپ تۇسكەن حابارلامانى بەس ادامعا عانا قايتا جىبەرۋگە شەكتەۋ قويىلعان بولاتىن. ءۇندىستاندا WhatsApp مەسسەندجەرىنىڭ 200 ميلليون تۇتىنۋشىسى بار.
اۋدارما: ايكۇمىس بولاتبەك