قازاقستاندىق ونىمدەرگە ەۋروپا ەلدەرى ەرەكشە قىزىعۋشىلىق تانىتتى
«قازاقستان ازىق- تۇلىك ونەركاسىبى، باۋ- باقشا، اۋىل جانە ورمان شارۋاشىلىعى بويىنشا ەۋروپاداعى ەڭ ءىرى كورمەگە قاتىستى.
«International Green Week Berlin»
84- جاسىل اپتا حالىقارالىق كورمەسى گەرمانيا استاناسى بەرليندە وتۋدە. قازاقستان سوڭعى 10 جىل ىشىندە العاش رەت وتاندىق وڭدەلگەن ازىق- تۇلىك ءوندىرۋشى، ەكسپورت باعدارلاۋشىلاردىڭ قاتىسۋىمەن بىرەگەي ۇلتتىق ستەند فورماتىندا تانىستىرىلدى. قازاقستاندىق وندىرۋشىلەردىڭ تاۋارلارى تابيعي جانە ورگانيكالىق ءونىم رەتىندە ەۋروپا ەلدەرىنىڭ ىسكەرلىك ورتاسى جانە كورمەگە قاتىسۋشىلار اراسىندا جوعارى قىزىعۋشىلىق تۋدىرۋدا»، - دەپ حابارلايدى ەلىمىزدىڭ سىرتقى ساۋدا پالاتاسى فەيسبۋك پاراقشاسىندا.
ۇلتتىق ستەندتى قازاقستان رەسپۋبليكاسىنىڭ گەرمانياداعى ەلشىلىگى جانە قازاقستاننىڭ سىرتقى ساۋدا پالاتاسىنىڭ قولداۋىمەن ق ر يندۋستريا جانە ينفراقۇرىلىمدىق دامۋ مينيسترلىگى ۇيىمداستىردى.
بەرليندەگى اتالعان كورمە 29 - قاڭتارعا دەيىن جالعاسادى.
اۆتور: داۋلەت ىزتىلەۋ