بالا كىمگە ەلىكتەيدى؟
ساناسىنا ەشتەڭە جازىلىپ ۇلگەرمەدى. ەندى وسى كەزدە ءسىز ونى كىمنىڭ تاربيەسىنە بەرەسىز؟ ارى قاراي ونىڭ ءومىرىن كىم جەتەلەيدى؟ قولىنان كىم جەتەكتەيدى؟
جاۋاپ مىناۋ: بالاڭىزعا كىشكەنتاي كەزىنەن- اق ەلگە ۇستىن بولعان بەلگىلى تۇلعالاردى ۇلگى ەتىپ ايتا بەرىڭىز. سولاردىڭ ونەگەلى ىستەرىنەن مىسال كەلتىرىڭىز. ولاردىڭ سۋرەتىن كورسەتىپ، جاساعان ەرلىكتەرىن ايتىپ، سولارعا ەلىكتەپ وسۋىنە، اباي ايتقانداي، «بولماسا دا ۇقساپ باعۋىنا» جاعداي جاساڭىز.
قازىر كىتاپ دۇكەندەرىندە قازاقتىڭ باتىرلارى مەن بي- شەشەندەرى تۋرالى اڭىز- اڭگىمەلەر وتە كوپ. سولاردى الىپ، كۇندە ءوزىڭىز وقىپ بەرسەڭىز، ءتىپتى، بالانىڭ اناسىمەن بىرىگىپ، كەشكە ۇيدە ازداعان قويىلىم جاساپ تۇرساڭىزدار دا بولادى. بالا ءۇشىن بۇدان اسقان قىزىق بار ما؟
كوبىمىز «مەن جىبەرگەن قاتەلىكتى بالام جاساماسا ەكەن» دەپ ويلايمىز. ال ءوزىمىزدىڭ ەڭ باستى قاتەلىگىمىز نەدە؟ قاي كەزدە شالىس باستىق؟ نەنى وتكىزىپ الدىق؟ مىنە، وسىنى ويلاعان ءجون.
بالا ۇلگى تۇتۋعا لايىق ادامدار تاريحتا وتە كوپ. ماسەلەن، بالاڭىزعا جاي ادامداردى ەمەس، ادامزاتتىڭ يدەالى بولعان پايعامباردىڭ ﷺ ءومىرىن ايتا جۇرسەڭىز، وعان بۇدان اسقان ءتالىم بار ما؟
اللا تاعالا پايعامبارىمىزدىڭ ﷺ ءومىرىنىڭ ءار سەكۋندىنا دەيىن ريزا بولعان. سەبەبى، «ھۋد» سۇرەسىندە اللا تاعالا وعان «سەنىڭ عۇمىرىڭمەن انت ەتەمىن» دەيدى. ال اللا ءبىر نارسەمەن انت ەتەر بولسا، دەمەك، ونىڭ ماڭىزدى، قادىرلى بولعانى. سوندىقتان كەستەتىگەرىڭىز بەن اتۇستارىڭىزدى ءومىرى زايا كەتپەگەن ءىرى تۇلعالارعا ۇقساتىپ ءوسىرىڭىز. ءوزىڭىز ونداي بولا الماساڭىز دا، بالاڭىز سونداي بولسىن.