قاھارماندار ءداۋىرى: شىنى سىنعان ءسات
ءبىراق، 2017 -جىلى ەڭ تانىمال فيلمدەردىڭ قاتارىنا ەنگەن «ءسپليتتىڭ» باستى كەيىپكەرى كيەۆين كرامبتى (دجەيمس ماكەۆوي) ءبارى جاقسى بىلەدى. ول بۇل جولى تاعى دا قىزداردىڭ جۇرەگىن جارالاماق. ايتپاقشى، تەك ومىردە عانا ەمەس فيلمدە دە ول ءالى ەركىندىككە كەرۋەن قۇرىپ، بۇرىنعىشا بويجەتكەندەردى ۇرلايتىن ادەتىن توقتاتا قويمادى. بۇل ەكى فيلمنىڭ ءبىر- بىرىنە قانداي قاتىسى بار دەپ ويلار وتىرعان شىعارسىز؟ ەندەشە، بۇگىن ءبىز ەشكىم بايقاماعان بايلانىستى تۇسىندىرەمىز:
«ءتىس باتپاس» (نەۋيازۆيمىي) :
2000 -جىلى م. نايت شيامالان قاھارماندار مەن كوميكستەردىڭ نەگىزىندە جاڭا فيلمدى ومىرگە الىپ كەلەدى. باستى رولدەردى بريۋس ۋيلليس پەن سەميۋەل ل. دجەكسون ەسىمدى اتاقتى اكتەرلەر سومدايدى. فيلم تەمىر جول اپاتىندا ەش جاراقات الماعان ءارى جالعىز امان قالعان دەۆيد داننىڭ ءومىرىن سيپاتتاۋدان باستالادى. ونىڭ سىرى تەك ءبىر ادامعا عانا ءمالىم: ەلايدجو پرايس (شىنى مىرزا) . ەلايدجونىڭ داننان ەرەكشەلىگى ونىڭ سۇيەكتەرى وتە ءالسىز، كەز كەلگەن سوققى ءتۇرلى سىنىقتارعا سەبەپشى بولادى. دەگەنمەن، ەلايدجو داننعا ونىڭ ەرەكشەلىگى ادامدارعا قول ۇشىن سوزۋعا سەپتىگىن تيگىزەتىنىن تۇسىندىرەدى. وسىلايشا، قاراپايىم ءومىر ءسۇرىپ جاتقان داننىڭ ءومىرى ءبىر- اق ساتتە وزگەرىپ شىعادى. ال، فيلم اياقتالار ساتتە اپاتتىڭ بارلىعى كوميكستارعا سەنەتىن، شىنى سەكىلدى سۇيەگى شىتىناي بەرەتىن، ءومىر بويى ەشقاشان جاراقاتتانبايتىن انتيپود ىزدەگەن ەلايدجونىڭ قۇيتىرقى جوسپارى ەكەنى ءمالىم بولادى.
«سپليت» :
الەمدە ادام سەنگىسىز نارسە كوپ: ادامزات بالاسى دەرت دەپ ەسەپتەسە، سول دەرتكە شالدىققاندار ءۇشىن ول ەرەكشە قابىلەت بولۋى دا مۇمكىن. تاريحتا پسيحياتريا سالاسىندا مىناداي جايت كەزدەسكەن: بيللي ميلليگان ەسىمدى قىلمىسكەردى باقىلاۋ بارىسىندا ونىڭ دەنەسىندە بيلليدەن بولەك 24 ادام ءومىر سۇرەتىنى انىقتالعان: ولاردىڭ جىنىسى، جاسى، مىنەزى، بولمىسى ءار ءتۇرلى. ءدال وسى اۆتورلار وقيعانى «سپليت» فيلمىنىڭ وقيعا جەلىسىنە ارقاۋ ەتەدى. كيەۆين كرامبتىڭ ىشىندە 24 ادام ءومىر سۇرەدى. ءبىراق، ولاردىڭ ىشىندە ەڭ كۇشتىسى - «حايۋان» (زۆەر) عانا. وقيعانىڭ ءارى وربۋىنە دە وسى كەيىپكەر سەبەپشى بولماق.
ەندى «شىنى» (ستەكلو) نە تۋرالى؟
بارلىق كەيىپكەرلەردىڭ باسىن قوساتىن ۋاقىت تۋعان سياقتى. فيلم رەجيسسەرى ءارى سەناريىن جازعان شيامالان «ءسپليتتىڭ» سوڭىندا وقيعا ءارى قاراي جالعاسادى دەگەن «كىلتتىك» وقيعانى بەرگەن بولاتىن. ءتىپتى، كەلەسى ءفيلمنىڭ دە اتى اتالادى. اتى شىقپاعان ەرەكشە ادامداردىڭ باسىن ءبىر نارسە بىرىكتىرەدى: پسيحياتريالىق ەمحانا. «سۋپەر قاھارمانداردىڭ» ءىسىن زەرتتەۋگە ەللي ستتەيپل (سارا پولسون) اتتى پسيحياتر كىرىسەدى. ونىڭ ويىنشا، ولاردىڭ كوزقاراسىنداعى ەرەكشە قابىلەت ۇعىمى جوق: بار بولعانى ولاردىڭ ميىندا كىنارات بار. دانن جانە كرامب پسيحياتردىڭ ايتقان تەوريالارىن تىڭداي كەلە، شىنىمەن ەشقانداي قابىلەتتىڭ جوعىنا، سەنىپ جۇرگەندەرى تەك قانا ولاردىڭ بولجامدارى ەكەنىنە سەنە باستايدى. بار قىزىق، «شىنى مىرزا» ىسكە كىرىسكەندە باستالادى.. .
تۇساۋكەسەر الدى
.. . Marvel جانە DC داۋىرىندە قاھارماندار تۋرالى اۋقىمدى نارسە ويلاۋ قيىن، ارينە. اسىرەسە، ونىڭ كەڭىستىگىن قالىپتاستىرۋ. وعان قوسا، ءبىر عانا اۆتور جۇمىس جاساسا. ودان بولەك، قاعاز نۇسقاسى جوق، تەك فيلم رەتىندە جارىققا شىعارۋ بارىنەن قيىن. دەگەنمەن، شيامالان قورقىنىشتى جەڭۋ جەتىستىككە الىپ كەلەتىنىن دالەلدەگەندەي. اراسى 20 جىلعا ۇزىلسە دە، فيلمدەردى بىرىكتىرە وتىرىپ، ولاردىڭ وقيعا جەلىسىنىڭ اراسىندا ءوزارا بايلانىستى ۇستاپ قالۋعا تىرىسادى. «شىنى» ءفيلمىنىڭ تۇساۋكەسەرىن كۇتكەندەر كوپ: تەك ءتيىمدى مارە عانا ەمەس، اۋقىمدى ءارى نەگىزگى جۇمىس ەكەنىن ءبارى ۇقسا كەرەك.
فيلم تۋرالى:
«شىنى» فيلمىندە ارەكەتتەر ءىش پىستارادى. ونى مويىنداۋ كەرەك. فيلم ديالوگتار نەگىزىندە قۇرىلعان، ودان بولەك «ءۇزىلىس» وتە كوپ. اكتەرلەردىڭ مۇمكىندىكتەرى جان- جاقتى قاراستىرىلماعان. ارينە، ماكەۆويدىڭ باستان كەشكەندەرى، ونىڭ ىشىندەگى كەيىپكەرلەردىڭ - قاراڭعى مەن جارىق، ەر مەن ايەل اراسىنداعى ءوزارا تايتالاس بۇرىنعىشا ادامدارعا اسەر قالدىرعانىمەن، بۇرىنعى جارتاس سول جارتاس. ال، دجەكسون بولسا فيلمنىڭ تەڭ جارتىسىندا مۇگەدەكتەر ارباسىنا تاڭىلىپ، بەت- اۋىزىن جىبىرلاتقاننان باسقا ەشنارسە ىستەمەيدى. بريۋس ۋيلليستىڭ كەيىپكەرىنە قارنىڭىز تىپتەن اشۋى مۇمكىن. قاھارمانعا ءتان قابىلەت بولعانىمەن، ونىڭ ءيميدجى مەن ءستيلى قالىپتاسىپ ۇلگەرمەگەندەي. فيلمنىڭ شارىقتاۋ شەگىندە بەينەلەنگەن ايقاس تا كادىمگى قاھارماندار فيلمىندە كورسەتەتىن اشىق الاڭدا نەمەسە ادامدار كوپ شوعىرلانعان ايماقتا بولمايدى: قاراپايىم ەمحانا الدىندا جۇزەگە اسادى. فيلمگە بارعانداردىڭ كوبى بار بارماعىن كوتەرىپ «ءلۇپىل» بەلگىسىن قويماسا دا، «سپليتپەن» سالىستىرۋعا كەلمەيتىنىن، شيكىلىك بارىن ايتىپ جاتىر. كينوداعى ويلارىڭ كەيبىرەۋى بۇرىننان قالىپتاسقان، بۇگىندە ول كوگەرىپ كەتكەنى سونشىلىقتى «جۇرەكتى اينىتادى» :
ەرەكشە ادامنىڭ قالىپتاسۋى ءۇشىن مىندەتتى تۇردە بالا كەزدە قيىندىقتى باستان وتكەرۋى ءتيىس. مىسالى، بارلىق سۋپەر قاھارامانداردىڭ اتا- اناسى قازا تاپقان، بالالىق شاعىندا ۇلكەندەردەن قىسىم كورگەن. بۇل جەردە دە سول وي قايتالانادى. «شىنى مىرزا» ارقىلى اۆتور كوميكس - جۇمباق ءبىلىمنىڭ كوزى ىسپەتتەس، ۋاقىتتىوزگە كەڭىستىگىنەن كەلگەن حابار دەگەندى ايتادى. بۇگىندە كوميكس - تابىس كوزى. اعىلشىن ءتىلدى سىنشىلار شيامالاننىڭ بۇل جولعى ەڭبەگىن تاعى دا بىرلەسە وتىرىپ، كومە سالدى. ءبىراق، اۆتوردىڭ بۇعاننان ابدەن ۇيرەنگەنى انىق: ءومىر باقي بىردە قۇلاپ، بىردە قايتا تۇرۋمەن كەلەدى. كەرىسىنشە، سىن اۆتورعا كۇش بەرەتىن سەكىلدى. ءوزى ايتقانداي: ويلاۋ جۇيەسىنىڭ شەكاراسىنا ەشكىم توسقاۋىل بولا المايدى. شيامالان قايتا ورالادى. ولاردىڭ قاھارماندارى دا.. . سەنەيىك.
Massaget.kz