سىرتقى ىستەر مينيسترلىگىنىڭ رەسمي وكىلى ايبەك سمادياروۆ قىتايداعى ەتنيكالىق قازاقتاردىڭ جايى تۋرالى سۇراققا جاۋاپ بەردى

 استانا. قازاقپارات - ق ر س ءى م رەسمي وكىلى ايبەك سمادياروۆ قىتايداعى ەتنيكالىق قازاقتاردىڭ جايى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

«قازاقستان قوعامى مەن مەملەكەت، اسىرەسە سىرتقى ىستەر مينيسترلىگى شەتەلدە تۇراتىن قازاقتاردىڭ جاعدايىن مۇقيات باقىلاپ وتىرادى. قازىرگى تاڭدا قىتايدا ەتنيكالىق قازاقتىڭ سانى 1,5 ميلليوننان اسادى. ولار قىتايدىڭ تولىققاندى ازاماتى بولىپ سانالادى جانە سول ەلدە قۇقىق قورعاۋ، بيزنەس، عىلىم جانە الەۋمەتتىك سالالاردا جۇمىس اتقارىپ كەلەدى. ءاربىر جاعدايدا ءبىز قىتاي تاراپىن زاڭعا سايكەس، وبەكتيۆتى جانە ءادىل ارەكەت ەتۋگە شاقىرامىز» ، - دەدى ايبەك سمادياروۆ ق ر س ءى م- دە وتكەن باسپا ءسوز ءماسليحاتىندا تىلشىلەردىڭ سۇراعىنا جاۋاپ بەرە وتىرىپ.

ق ر س ءى م رەسمي وكىلى وتكەن جىلدىڭ سوڭىندا قىتاي تاراپىمەن تابىستى كەلىسسوزدەردىڭ ناتيجەسىندە 2,5 مىڭنان استام ەتنيكالىق قازاققا قىتايدىڭ ازاماتتىعىنان شىعۋعا مۇمكىندىك بەرىلگەنىن ەسكە سالدى.

«ءبىراق، شەتەلدە قازاق دياسپوراسىن قولداي وتىرىپ، ءبىز شەت مەملەكەتتەردىڭ ىشكى ىستەرىنە ارالاسۋعا جول بەرمەيتىن حالىقارالىق زاڭعا سۇيەنۋىمىز قاجەت» ، - دەدى ول.

ەسكە سالا كەتسەك، وتكەن ايدا ايبەك سمادياروۆ قىتايدا تۇراتىن 2 مىڭ ەتنيكالىق قازاق اتالمىش ەلدەن شىعۋعا رۇقسات العانىن حابارلاعان بولاتىن.

 «ديپلوماتيالىق ارنالار ارقىلى قىتاي تاراپىمەن جۇمىس ءجۇرىپ جاتىر. قىتاي تاراپى ىزگى يشارا رەتىندە قىتاي اۋماعىنان 2 مىڭنان استام قازاقتىڭ شىعۋىنا رۇقسات بەردى» ، - دەگەن ەدى ايبەك سمادياروۆ.