قار بارىسىن زەرتتەيتىن عىلىمي ەكسپەديتسيا قۇرىلادى

الماتى. قازاقپارات - الماتىدا قار بارىستارىنىڭ پوپۋلياتسياسىن زەرتتەيتىن عىلىمي ەكسپەديتسيا قۇرىلادى. بۇل تۋرالى الماتى زووباعىنىڭ بۇرىنعى ديرەكتورى، ءماسليحات دەپۋتاتى ەرجان ەركىنبايەۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، بۇل زەرتتەۋ جۇمىستارىن زوولوگيا ينستيتۋتى قولعا الماق.

 جاقىندا Snow leopard foundation قار بارىسىن قورعاۋ قورى يۋنەسكو- نىڭ «ادام مەن بيوسفەرا» كوميتەتىنىڭ ءتوراعاسى زوولوگيا ينستيتۋتىنىڭ ديرەكتورى ياشەنكو رومانمەن كەلىسسوز جۇرگىزگەن.

«ءبىز جاقىندا عىلىمي ەكسپەديتسيا قۇرعالى جاتىرمىز. بۇل ەكسپەديتسيا بىرنەشە اي ىشىندە ىلە الاتاۋىنداعى قار بارىسىن زەرتتەپ، مونيتورينگ جۇرگىزەتىن بولادى. سونىڭ ناتيجەسىندە ءبىز قار بارىستارىنىڭ سانىن، پوپۋلياتسيا تىعىزدىعىن، فيزيولوگيالىق ماعلۇماتتارىن، دنق مالىمەتتەرىن، ميگراتسيا جولدارىن، ومىرىنە قاۋىپ توندىرەتىن قاتەرلى فاكتورلاردى انىقتايتىن بولامىز. ەكسپەديتسيا قۇرامىنا 10 مۇددەلى ادام كىرەدى. زەرتتەۋ ۇيىمى مۇشەلەرى ۆيدەو، فوتو، GPS قۇرالارمەن قامتىلاتىن بولادى» ، - دەدى ءماسليحات دەپۋتاتى.

ەرجان ەركىنبايەۆ ەكسپەديتسيا اراسىندا ارنايى عىلىمي كونفەرەنسيا وتكىزىلەتىنىن ايتتى.

مۇنىڭ الدىندا قار بارىسىن قورعاۋ قورى الماتى تاۋلارىندا مەكەندەيتىن ءار ءبىر قار بارىسىنا ID پاسپورت بەرىپ، ات قوياتىنىن جازعان بولاتىنبىز.

سونىمەن قاتار، جاقىندا اتالعان قور ءتۇز تاعىسىنا ارنالعان جويىلۋدىڭ از- اق الدىندا تۇرعان قار بارىسىنا ارنالعان زووباق اشپاق.