قاراعاندى وبلىسىندا ورتالىق ازياداعى ەڭ ءىرى كۇن ەلەكتر ستانتسياسى جۇمىسىن باستايدى

None
None
استانا. قازاقپارات - 23 - قاڭتار كۇنى قاراعاندى وبلىسىنىڭ ساران قالاسىندا ورتالىق ازياداعى ەڭ ءىرى كۇن ەلەكتر ستانتسياسى ىسكە قوسىلادى، دەپ حابارلايدى قازاقپارات ءتىلشىسى.

 «23 - قاڭتاردا قاراعاندى وبلىسىنىڭ ساران قالاسىندا ورتالىق ازياداعى ەڭ ءىرى - قۋاتتىلىعى 100 مگۆت بولاتىن «ساران» كۇن ەلەكتر ستانتسياسىن اشۋ جوسپارلانۋدا. اتالعان ءىس- شاراعا ق ر س ءى م وكىلدەرى مەن گەرمانيانىڭ قازاقستانداعى ەلشىسى تيلو كليەندەردىڭ قاتىسۋى كوزدەلۋدە. جوبانى «Canadian Solar Incortoration» كومپانياسىنان 300 مىڭنان استام كۇن ءمودۋلىن قولداناتىن گەرمانيا، چەحيا جانە سلوۆاكيا رەسپۋبليكالارىنىڭ ينۆەستيتسيالىق توبى جۇزەگە اسىرادى» ، - دەدى بۇگىن باسپا ءسوز ءماسليحاتىندا ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.

ونىڭ ايتۋىنشا، بۇدان بۇرىن اتالعان جوبا «استانا ەكسپو - 2017» حالىقارالىق مامانداندىرىلعان كورمەسىنىڭ قازاقستان پاۆيلونىندا تانىستىرىلعان.

ەسكە سالا كەتسەك، وتكەن جىلى استانادا وتكەن باسپا ءسوز ءماسليحاتىندا قاراعاندى وبلىسىنىڭ اكىمى ەرلان قوشانوۆ 160 گەكتار اۋماقتى الىپ جاتقان سارانداعى كۇن ەلەكتر ستانتسياسى جۋىق ارادا جۇمىسىن باستايتىنىن ءمالىم ەتكەن ەدى.

«وسى جىلدىڭ ەڭ جارقىن جوبالارىنىڭ ءبىرى تۋرالى ايتا كەتەيىن. ول - ورتالىق ازياداعى قۋاتتىلىعى 100 مگۆت بولاتىن كۇن ەلەكتر ستانتسياسى. ناقتىراق ايتسام، ساران قالاسىندا 160 گەكتار اۋماقتا 307 مىڭ كۇن پانەلى جۇمىسىن باستايدى. ەرەكشە اتاپ وتەرلىگى، وسى كۇن ەلەكتر ستانتسياسىنان بولىنەتىن ەنەرگيا - ساران سەكىلدى ون بىردەي قالاعا جەتكىلىكتى بولادى» ، - دەگەن ەدى ەرلان قوشانوۆ.

سوڭعى جاڭالىقتار