استانادا كوممۋنالدىق تاريفتەر قانشالىقتى ارزاندادى

None
None
استانا. قازاقپارات - ەلوردادا نەگىزگى كوممۋنالدىق قىزمەتتەرگە تاريفتەر قانشالىقتى تومەندەگەنى ناقتىلاندى، دەپ حابارلايدى قازاقپارات.

استانا قالاسىنىڭ وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ ءبولىم باسشىسى ماقسات ەسماعۇلوۆتىڭ ايتۋىنشا، ەلەكترمەن جابدىقتاۋ بويىنشا (ق ق س ەسەپتەمەگەندە) جەكە تۇلعالار ءۇشىن تاريف 2019 -جىلعى 1 - قاڭتاردان باستاپ 10,33 تەڭگە/كۆتساع قۇرادى.

2018 -جىلى قولدانىستاعى تاريف 11,4 تەڭگە/كۆتساع بولعان ەدى. بۇل رەتتە، تومەندەۋ 9,3 پايىز بولدى.

«زاڭدى تۇلعالار ءۇشىن قولدانىستاعى تاريف 16,01 تەڭگە/كۆتساع مولشەرىندە بولىپ كەلسە، 2019 -جىلعى 1 قاڭتاردان باستاپ 14,54 تەڭگە/كۆتساع- قا دەيىن، ياعني 9,18 پايىزعا تومەندەدى» ، - دەدى ول.

سونداي- اق جىلۋمەن جابدىقتاۋ بويىنشا (ق ق س ەسەپتەمەگەندە) جەكە تۇلعالار ءۇشىن تاريف بيىلعى جىلدان باستاپ 2 074,81 تەڭگە/گكال- دى قۇرادى. تاريفتىڭ تومەندەۋى 9,98 پايىز شاماسىندا. زاڭدى تۇلعالار ءۇشىن ونىڭ كولەمى وزگەرىسسىز قالىپ، 3 556,39 تەڭگە/گكال بولىپ ساقتالدى.

«سۋمەن جابدىقتاۋ بويىنشا قالا تۇرعىندارىنا تاريف 2019 -جىلعى 1 - قاڭتاردان باستاپ 37,13 تەڭگە/م3 دەڭگەيىندە بەلگىلەندى. وسىعان دەيىن قولدانىستاعى تاريف 41,26 تەڭگە/م3 قۇراعان ەدى. وسى ورايدا، تومەندەۋ 10 پايىزعا جەتتى» ، - دەدى م. ەسماعۇلوۆ.

 قاتتى تۇرمىستىق قالدىقتارعا توقتالساق، اباتتاندىرىلعان سەكتورى ءۇشىن 2012 -جىلدان بەرگى تاريف ءبىر ادامعا 252,2 تەڭگە سوماسىندا ەسەپتەلىپ كەلدى. ەندى 2019 -جىلدان باستاپ 246,2 تەڭگە شاماسىندا بەلگىلەندى. سونىمەن قاتار، جەكە سەكتور ءۇشىن بۇعان دەيىن ءبىر ادامعا ەسەپتەگەندە 276 تەڭگە بولسا، بيىل 262,2 تەڭگە دەڭگەيىندە بەكىتىلدى. بۇل تۇرعىدا تاريف 5 پايىزعا تومەندەدى.

سوڭعى جاڭالىقتار