الماتىدا جۇمىسسىزداردى جاڭا كاسىپتەرگە تەگىن وقىتادى

None
None
الماتى. قازاقپارات - 2 مىڭنان اسا الماتى تۇرعىنى قالانىڭ ءىرى كومپانيالارى مەن ۋنيۆەرسيتەتتەرىندە ارنايى ءبىر سالاعا نەگىزدەلگەن وقۋ ورتالىقتارىندا تەگىن وقىتىلادى. بۇل تۋرالى قالالىق اكىمدىكتىڭ باسپا ءسوز قىزمەتى حابارلادى.

جۇمىسسىزدار، ءوزىن ءوزى جۇمىسپەن قامتۋشىلار، سونىمەن بىرگە 16 مەن 29 جاس ارالىعىنداعى جاستار 2019 -جىلدىڭ اقپان ايىنان باستاپ «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 - 2021 -جىلدارعا ارنالعان باعدارلاماسى اياسىندا قىسقا مەرزىمدى كۋرستاردا وقۋدى باستايدى.

«بيىل ءبىز وقۋ ورتالىقتارى مەن ماماندىقتار تاڭداۋدا تولىقتاي جاڭا تاسىلدەر قولداناتىن بولامىز. ءبىز نارىقتاعى ەڭ ۇزدىك تاسىمالداۋشىلارمەن جۇمىس ىستەۋدى جوسپارلاپ وتىرمىز. قازىرگى كەزدە وقۋ ورتالىقتارى تاڭداۋ ساتىسىنان ءوتىپ جاتىر. ايتا كەتۋ كەرەك، بۇل وقۋ ورىندارى تالىمگەرلىكپەن بىرگە دۋالدى وقۋدى پايدالانۋى ءتيىس. سونىمەن قاتار، زاماناۋي ماتەريالدىق- تەحنيكالىق بازاسى، جۇمىسقا ورنالاستىرۋدىڭ جوعارى دەڭگەيى بولۋى قاجەت»، - دەدى الماتى قالاسىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى داۋىربەك ابۋوۆ.

جۇمىسپەن قامتۋ ورتالىعى 30 شاقتى وقۋ ورتالىعىمەن جۇمىس ىستەيتىن بولادى. ولاردىڭ جارتىسى جەكەمەنشىك، ال قالعانى - مەملەكەتتىك بولماق.

Алматыда жұмыссыздарды жаңа кәсіптерге тегін оқытады

«ءبىز وڭىرلەردىڭ ەرەكشەلىكتەرىن ەسكەرىپ، ەڭ قاجەتتى ماماندىقتاردى تاڭداي وتىرىپ، ولاردىڭ ءتىزىمىن ارتتىردىق. ەگەر وتكەن جىلى تىزىمدە 32 كاسىپ بولسا، بيىل 48-گە كوبەيىپ وتىر. ەڭ قاجەتتى ماماندىقتاردىڭ ۇشتىگىنە كىرەتىندەر - اۆتوبۋس جۇرگىزۋشىسى، بۋحگالتەر جانە اسپازشى. تولىق جاڭا باعىتتاردىڭ بەستىگىنە ۆەب- ديزاينەر، تۋريزم جونىندەگى مەنەدجەر، بارمەن، باريستا مەن گۇل ءوسىرۋشى جاتادى. وقىتۋ 1ايدان 6 ايعا دەيىن جالعاسادى. بۇل رەتتە، باعدارلامانىڭ قاتىسۋشىلارى 16,7 مىڭ تەڭگە كولەمىندە شاكىرتاقى الادى. بۇدان باسقا، كۋرس اياقتالعاننان كەيىن ءاربىر وقۋ ورتالىعى ءوز ستۋدەنتتەرىن جۇمىسقا ورنالاستىرۋعا مىندەتتەلەدى»، - دەدى ابۋوۆ.

ەڭ قاجەتتى ماماندىقتارعا كەڭەيتىلگەن كۆوتا بار. مىسالى، اۆتوبۋس جۇرگىزۋشىسىنە - 300 ورىن، ال تاس قالاۋشىعا - 40 ورىن بار.

«ءبىز «BI-Group» قۇرىلىس كومپانياسىنا جۇمىسشىلار دايىندايتىن، BI University كورپوراتيۆتىك ۋنيۆەرسيتەتىمەن سەرىكتەستىك جاساۋدى جوسپارلاپ وتىرمىز. سەرىكتەس الماتى قالاسىنىڭ جۇمىسپەن قامتۋ ورتالىعى ءۇشىن قىسقا مەرزىمدى كۋرستار اياسىندا بەتونشى، تاس قالاۋشى مەن قالىپشى دايىندايتىن بولادى.

سونىمەن بىرگە، ءبىز « Knauf-گيپس قاپشاعاي» رەسۋرستىق ورتالىعىمەن جۇمىس ىستەيتىن، الماتى قۇرىلىس- تەحنيكالىق كوللەدجىمەن بىرگە ارەكەت ەتۋگە نيەتتىمىز. Knauf-گيپس قاپشاعاي - بۇل الەمدەگى ەڭ ءىرى قۇرىلىس ماتەريالدارىن ءوندىرۋشى حالىقارالىق كومپانيا. ولار بىزگە سىرلاۋشىلار مەن سىلاقشىلاردى دايىندايدى. جالپى العاندا، ءبىز وندىرىستە مامانداردىڭ جوعارى دەڭگەيىن قامتاماسىز ەتۋگە جانە جۇمىس بەرۋشىلەردىڭ قاجەتتىلىكتەرىن قاناعاتتاندىرۋعا نيەتتىمىز»، - دەدى سپيكەر.

اۆتور: گۇلميرا عوسمانالي

سوڭعى جاڭالىقتار