احمەتجان ەسىموۆ «سامۇرىق- قازىنانىڭ» تابىسىن جاريالادى
«سامۇرىق- قازىنا» ا ق باسقارما ءتوراعاسى احمەتجان ەسىموۆتىڭ ايتۋىنشا، وتكەن جىلى اتقارىلعان جۇمىستىڭ ناتيجەسىندە قورعا كىرەتىن كومپانيالاردىڭ قارجىلىق تۇراقتىلىعى ارتا ءتۇستى. وسىنىڭ ارقاسىندا قوردىڭ جالپى قارىزى 1 تريلليون تەڭگەگە دەيىن تومەندەدى.
«ءبىزدىڭ سىرتقى قارىزىمىز 3,2 ميلليارد دوللارعا ازايدى. ال دەبيتورلىق قارىز 80 پروتسەنتكە - 331 ميللياردتان 66 ميلليارد تەڭگەگە تومەندەدى. ءسويتىپ، نەگىزگى قىزمەتتەن تۇسەتىن تابىستىڭ كولەمى 31 پروتسەنتكە ءوسىپ، 8,3 تريلليون تەڭگەنى قۇرادى. تازا تابىسىمىز 37 پرووتسەنتكە كوتەرىلىپ، 820 ميلليارد تەڭگەگە جەتتى. ال وپەراتسيالىق تابىس 1 تريلليونننان استى»، - دەدى ا. ەسىموۆ قوردىڭ بۇگىنگى كەڭەسىندە.
ونىڭ سوزىنە قاراعاندا، «قازمۇنايگاز» كومپانياسى 1,6 ميلليارد دوللاردىڭ ەۋرووبليگاتسيالارىن ءساتتى وتەپ شىقتى. ال «سامۇرىق- ەنەرگو» كومپانياسى 50 ميلليارد تەڭگەنىڭ قارىزىنان قۇتىلدى.
«اتالعان شارالاردىڭ ارقاسىندا قازمۇنايگاز بەن سامۇرىق- ەنەرگو قارجىلاي تاۋكەلدەرى بار قىزىل زونادان شىقتى. وتكەن جىلدىڭ باسىندا اتالعان زونادا ءۇش كومپانيا بولدى. ەندى، بىرەۋى عانا قالدى»، - دەپ اتاپ كورسەتتى ا. ەسىموۆ.
قور باسشىسىنىڭ ايتۋىنشا، قورعا كىرەتىن كومپانيالاردى جەكەشەلەندىرۋ ناۋقانى اياسىندا 230 ميلليارد تەڭگەنىڭ تابىسى ءتۇستى.
«وتكەن جىلدىڭ باستى جەتىستىگى - قازاتوم ءوندىرىستىڭ حالىقارالىق IPO- عا شىعۋى. ودان 451 ميلليون ا ق ش دوللار ءتۇستى. ول اقشا ۇلتتىق قورعا اۋدارىلدى. سوسىن ماڭىزدى جوبالاردى دا اتاپ وتكەن ءجون. سونىڭ ىشىندە مەملەكەت باسشىسىنىڭ بەس الەۋمەتتىك باستاماسى اياسىندا قولعا الىنعان «سارى ارقا» گاز قۇبىرىنىڭ قۇرىلىسى بار. اتالعان جوبا بويىنشا 1,7 ميلليون ادام تۇراتىن 170 ەلدى مەكەنگە گاز تارتىلادى. بۇدان بولەك، Kcell-گە تيەسىلى اكسيالاردىڭ 75 پروتسەنتىن ساتىپ الدىق. وسى كەلىسىم جايىندا اشىق جاريالاعاننان كەيىن قازاق تەلەكومنىڭ اكسيالارى 10-15 پروتسەنتكە قىمباتتادى. بىلتىر بارلىق مۇناي- گاز وڭدەۋ زاۋىتتارىن جاڭعىرتۋ جۇمىستارى اياقتالدى. ءسويتىپ، ىشكى نارىعىمىزدى ساپالى مۇناي ونىمدەرىمەن قامتاماسىز ەتتىك»، - دەدى ا. ەسىموۆ قوردىڭ بۇگىنگى كەڭەسىندە.
ونىڭ سوزىنە قاراعاندا، ماڭىزدى جوبالارعا ءىرى ينۆەستورلار تارتىلدى. قور اياسىنداعى ساتىپ الۋلار جۇيەسى جاڭارتىلدى. ال مەملەكەت باسشىسىنىڭ تاپسىرماسى بويىنشا حولدينگ ىشىندەگى ساتىپ الۋلار قىسقارتىلدى. سونىڭ ارقاسىندا بيزنەسمەندەرگە 309 ميلليارد تەڭگەدەن استام تاپسىرىس بەرىلدى.
«بۇدان بولەك، وتكەن جىلى ءبىز قوردىڭ 2028 -جىلعا دەيىنگى ستراتەگياسىن ازىرلەدىك. اتالعان قۇجاتتى مەملەكەت باسشىسىنىڭ ءتوراعالىق ەتەتىن كەڭەس بەكىتتى. بۇل - ءبىزدىڭ باستى باعدارلامامىز. سول بويىنشا ون جىل بويى جۇمىس ىستەيتىن بولامىز»، - دەپ اتاپ كورسەتتى ا. ەسىموۆ.
ايتا كەتەيىك، احمەتجان ەسىموۆ «سامۇرىق- قازىنانىڭ» تابىسىن جاريالادى. قوردىڭ نەگىزگى قىزمەتىنەن تۇسەتىن تابىس 31 پررتسەنتكە ءوستى. ال دەبيتورلىق قارىزدىڭ كولەمى 80 پروتسەنتكە ازايدى.
اۆتور: ارمان اسقاروۆ