13:28, 21 - قاڭتار 2019 | GMT +6
الداعى كۇندەرى قازاقستاندا قالىڭ قار جاۋىپ، بۇرقاسىن بولادى
استانا. قازاقپارات - قازاقستاندا 22-24- قاڭتار ارالىعىندا قار جاۋىپ، بۇرقاسىن بولادى جانە كۇشتى جەل سوعادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
سينوپتيكتەردىڭ اقپاراتىنا سايكەس، اتموسفەرالىق اۋا اعىندارى قازاقستان ارقىلى باتىس جانە وڭتۇستىك-باتىس تروپوسفەرالىق اۋا اعىندارىمەن بىرگە بىرىنەن كەيىن ءبىرى وتەدى. وسىعان بايلانىستى قار جاۋىپ، وڭتۇستىكتە قار ارالاس جاڭبىر، سولتۇستىكتە بۇرقاسىن بولادى جانە قاتتى جەل سوعادى.
«الداعى ءۇش تاۋلىكتە رەسپۋبليكادا اۋا رايىمەن بايلانىستى جاعداي ايتارلىقتاي وزگەرمەيدى، ال باتىس جانە وڭتۇستىك-باتىس تروپوسفەرالىق اۋا اعىندارى بۇرىنعىشا اۋا تەمپەراتۋراسىن كليماتتىق نورمادان جوعارى ۇستاپ تۇرادى»، - دەپ حابارلادى قازگيدرومەت.
وسىعان دەيىن قازاقستاننىڭ ەكى وڭىرىندە اۋا رايىنا بايلانىستى ەسكەرتۋ جاريالانعاندىعىن جازدىق.