قىرعىز اق قالپاعىنا مادەني مۇرا مارتەبەسىن بەرۋدى ۇسىندى

 استانا. قازاقپارات - قىرعىزستان پارلامەنتىنىڭ ءبىلىم، عىلىم، مادەنيەت جانە دەنساۋلىق ساقتاۋ ماسەلەلەرى جونىندەگى كوميتەتى 21 - قاڭتاردا «ۇلتتىق باس كيىم - اق قالپاققا مادەني مۇرا مارتەبەسىن بەرۋ تۋرالى»  زاڭ جوباسىن تالقىلايدى.

قۇجاتتى جوگوركۋ كەڭەش دەپۋتاتتارى ەكمات بايباكپايەۆ («رەسپۋبليكا - اتا جۇرت» فراكسياسى) پەن باكيردين سۋبانبەكوۆ («ءبىر بول» فراكسياسى) دايىنداعان.

بۇل دەپۋتاتتار زاڭ جوباسىن بىلتىر كوكتەمدە قوعامدىق تالقىلاۋعا شىعارعان ەدى. سول كەزدە اۆتورلار ۇلتتىق باس كيىمدى قۇرمەتتەمەگەندەرگە 2000 سوم (شامامەن 30 دوللار) ايىپپۇل سالۋدى ۇسىنعان. ەندى جەكە تۇلعالارعا 1000 سوم، زاڭدى تۇلعالارعا 5000 مىڭ سوم ايىپپۇل سالۋ ۇسىنىلىپ وتىر.

بۇعان دەيىن پارلامەنتتە پرەزيدەنت پەن سپورتشىلاردى شەتەلدە اق قالپاق كيىپ جۇرۋگە مىندەتتەۋدى ۇسىنعان.

قىرعىزستاندا 5 - ناۋرىزدا اق قالپاق جانە قىرعىز ۇلتتىق كيىمى كۇنى اتاپ وتىلەدى.

www.azattyq.org