12:11, 21 - قاڭتار 2019 | GMT +6
ديماشتىڭ ءانىن تىڭداعاندا ءۇنسىز تۇراتىن بالاقاي جۇرتتى ءسۇيسىنتتى
استانا. قازاقپارات - اتى الەمگە تانىلعان ديماش قۇدايبەرگەنوۆتىڭ ءانىن تىڭداعاندا ءۇنسىز تۇراتىن بالاقاي جۇرتتى ءسۇيسىنتتى.
بۇل ۆيدەونى ءانشى ءوز Instagram پاراقشاسىندا جاريالاعان.
قازاقستاندىق ءانشىنىڭ ءانىن ءسۇيىپ تىڭدايتىن بالاقايدى ۆيدەوعا اناسى تۇسىرگەن.
ول «مىنە، ديماشتىڭ ءانىن قوسقاندا مەنىڭ بالام وسى كۇيگە تۇسەدى. ول جاي عانا تۇرىپ قالادى»، - دەيدى كەلىنشەك بەينەجازبادا.
ال كەلەسى ۆيدەولاردا ول ديماشتىڭ ءانىن جاقسى كورەتىنىن، تاعى دا تىڭداعىسى كەلەتىنىن جەتكىزىپتى.
بۇل بەينەجازبانى كورگەن جەلى قولدانۋشىلارى كىشكەنتاي بۇلدىرشىنگە اق تىلەگىن جاۋدىرعان.
«اۋەنگە تالعامى جوعارى بالا ەكەن»، «جاساڭىزشى، ديماش، اۋىرماڭىز»، «ءان تىڭداعاندا كوزدەرى دە مۇڭعا تولىپ كەتەدى. ءبارىن تىڭداپ، سەزىنىپ وتىر»، «سۇيكىمدى بالاپان»، «وسىنداي عاجايىپتى كورگەن قانداي كەرەمەت»، - دەپ جازعان ولار.
ەكى-ءۇش جاس شاماسىنداعى بالاقاي ديماشتىڭ «ليۋبوۆ ۋستاۆشيح لەبەدەي» ءانىن تىڭداعان ەكەن.