زاڭسىز تاكسي جۇرگىزۋشىلەرى كولىگىنەن ايىرىلۋى مۇمكىن

None
None
الماتى. قازاقپارات - الماتىدا زاڭسىز ادام تاسىمالدايتىن تاكسيشىلەر سالىق تولەمەگەنى ءۇشىن كولىگىنەن ايىرىلىپ قالۋى مۇمكىن. قازىر قۇقىق قورعاۋ ورگاندارى الماتىلىق تاكسيشىلەردىڭ سالىقتىق ورگانداردا تىركەلۋىن تەكسەرىپ جاتىر، دەپ حابارلايدى قازاقپارات ءتىلشىسى.

مەدەۋ اۋداندىق مەملەكەتتىك كىرىستەر باسقارماسىنىڭ حابارلاۋىنشا، جەرگىلىكتى پوليتسيا قىزمەتى 1 كۇن ىشىندە سالىق ورگاندارىندا تىركەلمەي، جولاۋشى تاسىپ جۇرگەن 17 جۇرگىزۋشىنى تاپتى.

بارلىق جۇرگىزۋشىلەرگە 10 كۇن ىشىندە ءوز ەركىمەن جەكە كاسىپكەر رەتىندە تىركەۋگە وتىرۋعا رۇقسات بەرىلدى. بۇلاي بولماعان جاعدايدا ءىس ماتەريالدارى سوتقا جىبەرىلىپ، جۇرگىزۋشىلەر اكىمشىلىك جاۋاپكەرشىلىككە تارتىلادى.

ق ر  ا ق ب ك 463-بابىنا سايكەس سالىقتىق ورگاندا تىركەلمەي، جەكە كاسىپكەرلىكپەن اينالىسقان تۇلعالارعا 14 ا ە ك (37875 تەڭگە) ايىپپۇل سالىنىپ، مۇلكى تاركىلەنۋى مۇمكىن.

سالىق ورگاندارىنا تىركەلۋ ءۇشىن ازاماتتار جەكە كۋالىگىمەن ح ق ك و- عا بارۋى كەرەك. جەكە كاسىپكەرلەر تاپقان تابىسىن 1 پايىزىن عانا سالىققا تولەيدى.

اۆتور: گۇلميرا عوسمانالي

سوڭعى جاڭالىقتار