ماسكەۋدەگى قازاق ستۋدەنتتەرى ەلباسىنىڭ «ۇلى دالانىڭ جەتى قىرى» ماقالاسىن تالقىلادى

None
None
استانا. قازاقپارات - ماسكەۋدە ءبىلىم الىپ جاتقان قازاقستاندىق ستۋدەنتتەردىڭ «قازاق جولى» زياتكەرلىك كلۋبى قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ قولداۋىمەن «قازاقتاردىڭ جولى - ۇلت جولى» تاقىرىبىندا دوڭگەلەك ۇستەل وتىرىسىن وتكىزدى، دەپ حابارلايدى قازاقپارات ءتىلشىسى.

دوڭگەلەك ۇستەل بارىسىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ «ۇلى دالانىڭ جەتى قىرى» اتتى باعدارلامالىق ماقالاسىنىڭ، «بولاشاققا باعدار: رۋحاني جاڭعىرۋ» اتتى ماقالاسىنىڭ، سونىمەن قاتار ولاردى جۇزەگە اسىرۋدىڭ نەگىزگى باعىتتارىن سارالاپ، جان-جاقتى تالقىعا سالدى.

شارا قاتىسۋشىلارىنىڭ پايىمىنشا، «قازاق جولى» دەگەن تۇسىنىك مەملەكەت باسشىسىنىڭ «ۇلى دالانىڭ جەتى قىرى»، «بولاشاققا باعدار: رۋحاني جاڭعىرۋ» اتتى ماقالالارىنا نەگىز بولىپ وتىر.

پىكىرتالاس بارىنشا قىزۋ ءوتتى. دوڭگەلەك ۇستەلگە قاتىسۋشىلاردىڭ بارلىعى دا ماقالالارداعى نەگىزگى باسىمدىقتارعا قاتىستى پىكىرلەرىن ءبىلدىرىپ، ونى جۇزەگە اسىرۋعا قاتىستى ويلارىمەن ءبولىستى.

ر ف ۇكىمەتىندەگى زاڭناما جانە سالىستىرمالى قۇقىقتانۋ ينستيتۋتىنىڭ دوكتورانتى، زاڭ عىلىمدارىنىڭ كانديداتى قازبەك داۋىتاليەۆتىڭ اتاپ وتۋىنشە، مەملەكەت باسشىسىنىڭ «ۇلى دالانىڭ جەتى قىرى»، «بولاشاققا باعدار: رۋحاني جاڭعىرۋ» اتتى ماقالالارىندا قازاق حالقىنىڭ الەمدىك تاريحتاعى ءرولى مەن ورنىن ايىندايتىن ەڭ وزەكتى ماسەلەلەر كوتەرىلگەن.

ەستەرىڭىزگە سالا كەتسەك، 2018-جىلدىڭ 21- قاراشىسىندا ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» اتتى ماقالاسى جاريالاندى.

«بۇگىندە ءتول تاريحىمىزعا وڭ كوزقاراس كەرەك. ءبىراق، قانداي دا ءبىر تاريحي وقيعانى تاڭدامالى جانە كونيۋنكتۋرالىق تۇرعىدان عانا سيپاتتاۋمەن شەكتەلۋگە بولمايدى. اق پەن قارا - ءبىر-بىرىنەن اجىرامايتىن ۇعىمدار. بۇلار ءوزارا بىرلەسكەندە جەكە ادامداردىڭ دا، تۇتاس حالىقتاردىڭ دا ومىرىنە قايتالانباس رەڭك بەرەدى. ءبىزدىڭ تاريحىمىزدا قاسىرەتتى ساتتەر مەن قايعىلى وقيعالار، سۇراپىل سوعىستار مەن قاقتىعىستار، الەۋمەتتىك تۇرعىدان قاۋىپتى سىناقتار مەن ساياسي قۋعىن-سۇرگىندەر از بولمادى. مۇنى ۇمىتۋعا حاقىمىز جوق. كوپ قىرلى ءارى اۋقىمدى تاريحىمىزدى دۇرىس ءتۇسىنىپ، قابىلداي ءبىلۋىمىز كەرەك»، - دەپ اتاپ وتەدى مەملەكەت باسشىسى.

سوڭعى جاڭالىقتار