قىزىلوردادا ۇلتتىق ءداستۇردى دارىپتەيتىن ارنايى جوبا جۇزەگە اسادى
وبلىستىق «رۋحاني جاڭعىرۋ» ورتالىعىنىڭ ماماندارى اتالمىش جوبانى قولعا الاتىن بولادى. بىلتىر ورتالىق ماماندارى ايماقتىڭ ارداگەرلەر كەڭەسى، ساياسي پارتيالار جەتەكشىلەرى مەن ۇكىمەتتىك ەمەس ۇيىم مۇشەلەرىمەن كەزدەسىپ، بۇل باعىتتا كوپتەگەن ماسەلەلەردى تارازىعا سالعان ەدى. اتالمىش جوبا سول جيىن بارىسىندا وعان قاتىسۋشى ازاماتتاردىڭ زور قولداۋىنا يە بولدى.
«جوبا اياسىندا ۇلتتىق سالت-داستۇرلەردى ناسيحاتتاي وتىرىپ، بۇگىنگى ۋاقىت تالابىنا سايكەس كەلەتىن داستۇرلەردى جاڭعىرتۋدى قولعا الماقپىز. سونداي-اق، قازىرگى توي وتكىزۋ داستۇرىنە دە پراگماتيكالىق كوزقاراسپەن قاراعانىمىز ءجون»، - دەدى وبلىستىق «رۋحاني جاڭعىرۋ» ورتالىعىنىڭ باسشىسى نۇرلىبەك مىڭجاس.
ورتالىق ماماندارى بۇدان باسقا دا ءبىرقاتار جاڭا جوبالار قولعا الماق. اتاپ ايتار بولساق، ءۇش تىلدە «قورقىتتىڭ دانالىق سوزدەرى»، «سىر بويىنىڭ ساكرالدى ەسكەرتكىشتەرى: ميفتەر، حيكاياتتار، اڭىزدار» جيناعى، «الاش قايراتكەرلەرىنىڭ اقمەشىت- قىزىلوردا كەزەڭى»، «قورقىت اتا كىتابى» بىرنەشە نۇسقالار بويىنشا قايتا اۋدارىلىپ، جارىققا شىعادى.
اتالعان ەڭبەكتەردىڭ بارلىعى ەلباسىنىڭ «ۇلى دالانىڭ جەتى قىرى» ماقالاسىنا وراي جۇزەگە اساتىن بولادى. جوبالار ۇلى دالانىڭ جەتى قىرى» ماقالاسىنىڭ «تۇركى الەمىنىڭ گەنەزيسى»، «ۇلى دالانىڭ ۇلى ەسىمدەرى»، «دالا فولكلورى مەن مۋزىكاسىنىڭ مىڭ جىلى» ارنايى جوبالارى اياسىندا ورىندالادى.
الداعى ۋاقىتتا قىزىلوردا وبلىسىندا قوبىز كۇنى اتالىپ وتەدى. سونداي-اق، بىلتىر قوبىزدىڭ اتاسى سانالاتىن «قورقىت اتا» مۇراسى يۋنەسكونىڭ ماتەريالدىق ەمەس مۇرالارى تىزىمىنە ەنگىزىلدى.