ەلوردادا سينگاپۋرلىق ءبىلىم بەرۋ جۇيەسى بويىنشا مەكتەپ، كوللەدج اشىلادى
استانا قالاسىنىڭ اكىمدىگى، «Kazakh Invest» ۇ ك» ا ق جانە
سينگاپۋرلىق «Pegasus Education Group» كومپانياسى استاناداعى ءبىلىم بەرۋ جۇيەسىن دامىتۋعا ارنالعان ينۆەستيتسيالىق جوبانى ىسكە اسىرۋ تۋرالى كەلىسىمگە قول قويدى.
«جوبانىڭ باستى ماقساتى: «استانا قالاسىندا ۇزدىكسىز ءبىلىم الۋ ءۇشىن - بالاباقشا - جالپى ءبىلىم بەرەتىن ورتا مەكتەپ - كاسىبي تەحنيكالىق كوللەدج - ءبىلىم بەرۋ ورتالىقتارىن قۇرۋ». بۇل جوبا سينگاپۋرلىق ءبىلىم بەرۋ جۇيەسىندە قولدانىلاتىن تاجىريبەنىڭ نەگىزىندە جۇزەگە اسىرىلماق»، - دەلىنگەن حابارلامادا.
بولجام بويىنشا ءبىرىنشى كەزەڭدەگى جالپى ينۆەستيتسيا شامامەن 20 ميلليون ا ق ش دوللارىن قۇراپ، جاڭا 300 جۇمىس ورنى اشىلادى دەپ جوسپارلانۋدا. قالا اكىمدىگى ينۆەستيتسيالىق جوبالاردى ىسكە اسىرۋ ءۇشىن جەر تەلىمى تۇرىندە مەملەكەتتىك نەسيە بەرۋ، قاجەتتى ينفراقۇرىلىمدى قۇرۋ، پايىزدىق مولشەرلەمەلەردى سۋبسيديالاۋ، جان باسىنا قارجىلاندىرۋ سياقتى قولدانىستاعى مەملەكەتتىك قولداۋ شارالارىن قامتاماسىز ەتۋ بويىنشا كەشەندى كومەك كورسەتەتىن بولادى.
ينۆەستور ءوز كەزەگىندە جوبانى ءتيىستى سيپاتتامالارىنا سايكەس جۇزەگە اسىرۋدى جوسپارلاپ وتىر. دالىرەك ايتقاندا، شەتەلدىك ينۆەستور استانادا كەمىندە 200 (ەكى ءجۇز) ورىندى بالاباقشا، كەمىندە 2000 (ەكى مىڭ) ورىندى مەكتەپ جانە كەمىندە 2000 (ەكى مىڭ) ورىندى كوللەدج اشپاق.
جوبانىڭ وپەراتسيالىق قىزمەتىنىڭ شەڭبەرىندە جالپى پەداگوگيكالىق قىزمەتكەردىڭ 30 پايىزىنا قازاقستاندىق پەداگوگتار تارتىلىپ، تۇلەكتەردىڭ حالىقارالىق ديپلومدار مەن/جانە سەرتيفيكاتتاردى الۋ مۇمكىندىگى بار حالىقارالىق باعدارلامالاردى ەنگىزىلەدى.
ايتا كەتەرلىگى، «Pegasus Education Group» كومپانياسى ءوز قىزمەتىن 1986 -جىلى باستاعان بولاتىن. ول سينگاپۋردا ۇزدىكسىز ءبىلىم بەرۋدىڭ جەكە ءبىلىم بەرۋ جەلىسىن قۇردى. قازىرگى ۋاقىتتا كومپانيا وڭتۇستىك- شىعىس ازياداعى 20-دان استام ءبىلىم ورتالىعىن باسقارادى. مەكتەپتەر حالىقارالىق ۇيىمدارمەن اككرەديتتەلسە، كومپانيا АСЕАН شەڭبەرىندە ءبىلىم بەرۋ سالاسىنداعى ەڭ ۇزدىك جەكە كومپانيالاردىڭ ءبىرى بولىپ تانىلدى.