14:46, 20 - قاڭتار 2019 | GMT +6
جەر شارىنىڭ ەڭ قارت تۇرعىنى ومىردەن وزدى
استانا. قازاقپارات - جاپونيانىڭ حوككايدو ارالىنىڭ تۇرعىنى ماسادزو نوناكا 20 - قاڭتار كۇنى 113 جاسىندا ومىردەن وزدى.
ول الەمدەگى ەڭ قارت ەر ادام ەدى، دەپ حابارلايدى «قازاقپارات» ح ا ا Kyodo اگەنتتىگىنە سىلتەمە جاساپ.
ول تاڭەرتەڭ اسەرو ەلدى مەكەنىندەگى ءوز ۇيىندە كوز جۇمدى. ماسادزو نوناكا نەمىستىڭ داڭقتى فيزيك- تەورەتيگى البەرت ەينشتەين ءوزىنىڭ ايگىلى سالىستىرمالى تەورياسىن جاريالاعان 1905 -جىلدىڭ 25 - شىلدەسىندە تۋعان. نوناكا 2018 -جىلدىڭ 10 - ساۋىرىندە گيننەستىڭ رەكوردتار كىتابىنا جەر شارىنىڭ ەڭ قارت ەر تۇرعىنى رەتىندە ەنگەن. وعان دەيىن عالامشاردىڭ ەڭ قارت تۇرعىنى باسقا ءبىر جاپون دزيروەمون كيمۋرا ەدى. ول 2013 -جىلدىڭ ماۋسىمىندا 116 جاسىندا قايتىس بولدى.