اق ءۇي: ترامپ پەن كيم اقپان ايىندا كەزدەسەدى

استانا. قازاقپارات - ا ق ش پرەزيدەنتى دونالد ترامپ پەن سولتۇستىك كورەيا باسشىسى كيم چەن ىن اقپان ايىنىڭ ەكىنشى جارتىسىندا كەزدەسەدى دەپ حابارلادى اق ءۇي. جۇما كۇنى ترامپ سولتۇستىك كورەيا باسشىسىنىڭ ارنايى ۋاكىلى كيم ەن چحولدى قابىلداعان. اق ءۇي بۇل اقپاراتتى وسى كەزدەسۋدەن كەيىن حابارلادى.

كەزدەسۋدىڭ ازىرگە ناقتى قاي جەردە وتەتىنى بەلگىسىز. سامميتتىڭ باستى تاقىرىبى - سولتۇستىك كورەيانىڭ يادرولىق باعدارلاماسى.

ترامپپەن كەزدەسپەس بۇرىن ارنايى ۋاكىل ا ق ش مەملەكەتتىك حاتشىسى مايكل پومپەومەن كەزدەسكەن. مەملەكەتتىك دەپارتامەنت كەزدەسۋدىڭ «جاقسى» وتكەنىن حابارلاپ، وندا سولتۇستىك كورەيانىڭ وتكەن جىلى سينگاپۋرداعى سامميتتە العان مىندەتتەرى تالقىلانعانىن ايتتى.

وتكەن جىلى ماۋسىم ايىندا سينگاپۋردا وتكەن ا ق ش- سولتۇستىك كورەيا سامميتىنەن كەيىن پحەنياننىڭ يادرولىق قارۋدان باس تارتۋعا دايىن ەكەنى حابارلانعان ەدى. الايدا ءالى كۇنگە دەيىن ونى جۇزەگە اسىرۋ جوسپارى جاريالانبادى.

www.azattyq.org