توكيو جاپون تەڭىزىنىڭ اتاۋىن وزگەرتۋ تۋرالى كەلىسسوز جۇرگىزۋگە ءازىر

استانا. قازاقپارات - جاپونيا ۇكىمەتى بيىل كوكتەمدە وڭتۇستىك كورەيا جانە ك ح د ر بيلىگىمەن جاپون تەڭىزىنىڭ اتىن وزگەرتۋ تۋرالى كەلىسسوزدەرگە كىرىسۋگە ءازىر.

 بۇل تۋرالى Sankei Shimbun باسىلىمى جازدى، دەپ حابارلايدى «قازاقپارات»  ح ا ا.

حالىقارالىق گيدروگرافيا ۇيىمى رەسمي توكيونى وسى داۋلى ماسەلەدە سەۋل جانە پحەنيانمەن ىمىراعا كەلۋگە شاقىرعان.

وڭتۇستىك كورەيا مەن  ك ح د ر 1990 -جىلداردىڭ باسىنان بەرى جاپون تەڭىزىنىڭ اتىن «شىعىس تەڭىز» دەپ وزگەرتۋدى تالاپ ەتىپ كەلەدى. سوڭعى كەزدەرى وڭتۇستىك كورەيا كارتادا وسى ەكى اتاۋدى قاتار قولدانۋدى شىعاردى.

كورەي مەملەكەتتەرى جاپونيا ⅩⅩ  عاسىر باسىندا وتارلاۋ ساياساتىن جۇرگىزگەن تۇستا تەڭىزدىڭ قازىرگى اتاۋىن ادەيى الەمدىك قوعامداستىققا تاراتقان دەگەن پىكىردە.

جاپون تاراپى، ءوز كەزەگىندە، جاپون تەڭىزىنىڭ وسى اتاۋىن سوناۋ ⅩⅨ عاسىردا ەۋروپالىق كارتوگرافتار قولدانعانىن ايتىپ وتىر. بۇل تەرمين موناكوداعى حالىقارالىق گيدروگرافيا ۇيىمىنىڭ انىقتامالىقتارىندا ولار العاش جارىق كورگەن 1929 -جىلدان بەرى وزگەرىسسىز قولدانىلىپ كەلەدى.