ۇلتتىق بيۋرو اقمولا وبلىسى زەرەندى اۋدانىنىڭ اكىمىن ۇستادى

كوكشەتاۋ. قازاقپارات - سىبايلاس جەمقورلىققا قارسى ءىس- قيمىل ۇلتتىق بيۋروسى اقمولا وبلىسى زەرەندى اۋدانىنىڭ اكىمى مەرەكە ءمۇستافيندى ۇستادى، دەپ حابارلايدى قازاقپارات ءتىلشىسى.

اتاپ ايتقاندا، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى جاننا باستاروۆا زەرەندى اۋدانى اكىمىنىڭ ۇستالۋى جونىندەگى اقپاراتتى راستادى. سونىمەن قاتار، ول بۇل فاكتىگە قاتىستى وزگە مالىمەتتەر الداعى ۋاقىتتا رەسمي تۇردە جاريالاناتىنىن اتاپ ءوتتى.

مەرەكە مۇستافين 1978 -جىلى زەرەندى اۋدانىنىڭ زەرەندى سەلوسىندا تۋعان. الماتى ەكونوميكا جانە ستاتيستيكا اكادەمياسىن، «فەميدا» زاڭ اكادەمياسى، گۋمانيتارلىق- تەحنيكالىق اكادەميانى ءتامامداعان. 2017 -جىلدىڭ 20 - جەلتوقسانىندا زەرەندى اۋدانىنىڭ اكىمى قىزمەتىنە تاعايىندالعان بولاتىن. وعان دەيىن اقمولا وبلىستىق ماسليحاتىنىڭ تەكسەرۋ كوميسسياسى ءتوراعاسى قىزمەتىندە بولدى.

اۆتور: اسلان وسپانوۆ