جاساندى ينتەللەكت زامانىندا كرەاتيۆتى ويلايتىن ادامعا سۇرانىس ارتادى - نۇرالى قۇدايبەرگەن ۇلى
« ХХІ عاسىرداعى قازىرگى زامانعى پەداگوگيكالىق تەحنولوگيالىق سىن- تەگەۋرىندەر» اتتى حالىقارالىق سەمينار اياسىندا «قازاقپارات» ءتىلشىسى عالىممەن ازىراق سۇحباتتاسقان بولاتىن. ول قازاقستاندىق بىلىمدەگى جاڭا سىن- تەگەۋىرىندەرگە، دامىعان ەلدەرمەن قاتار بولۋى ءۇشىن قانداي بۋىن تاربيەلەۋ قاجەتتىگىنە قاتىستى ويىمەن ءبولىستى.
نۇرالى قۇدايبەرگەن ۇلىنىڭ اتاپ وتۋىنشە، جاھاندىق ەكونوميكالىق داعدارىس پەن ءتورتىنشى ونەركاسىپتىك ريەۆوليۋتسيا جاعدايىندا قازاقستان قازىردەن باستاپ- اق كرەاتيۆتى ويلاي بىلۋگە قابىلەتتى جانە سەرپىندى يننوۆاتسيانى جاساۋعا قابىلەتتى جاڭا ماماندارى ازىرلەۋگە دەن قويۋى قاجەت.
«روبوتتار مەن جاساندى ينتەللەكتى داۋىرىندە ولار جىلدام وزگەرمەلى الەمگە تەز ارادا بەيىمدەلە الاتىن جانە ۇزدىكسىز ءبىلىمىن جەتىلدىرۋگە قابىلەتتى بۋىن بولۋلارى قاجەت. باسقاشا سوزبەن ايتار بولساق، قازىردەن- اق ءوزىن- ءوزى تاربيەلەۋگە، جەتىلدىرۋگە جانە شىڭداۋعا قابىلەتتى ادامداردى دايىنداۋ كەرەك. بۇعان قوسا، اقپاراتتىق اعىننىڭ ەكسپونەنتسيالدى ءوسىمى داۋىرىندە ادامعا اقپاراتتاردى سەنىمدى وڭدەۋ، اقپاراتتاردىڭ سەنىمدىلىگىن اجىراتا ءبىلۋ، تەز ساراپتاما جاساپ، تاۋەكەلدەر مەن ايقىنسىزدىق جاعدايىندا وڭ شەشىم قابىلداۋ سىندى قابىلەتتەر دە قاجەت. ادامدار كەشەندى ويلاي ءبىلۋى ءتيىس» ، - دەدى عالىم.
ن. قۇدايبەرگەن ۇلىنىڭ پايىمىنشا، ءبىلىم مەملەكەت دامۋىنىڭ نەگىزگى قوزعاۋشى كۇشتەرىنىڭ ءبىرى سانالادى. سوندىقتان قازاقستاندىق ءبىلىم جۇيەسى دە بولاشاق زاماننىڭ تالاپتارىنا جاۋاپ بەرە الۋى كەرەك.
«ءبىلىم - بۇل بارلىق دامۋعا تىرەك بولۋى ءتيىس ىرگەتاس. قازىرگى ۋاقىتتا بىزدە ارتتا قالىپ قويۋعا بولمايدى. ەگەر پرەزيدەنت نۇرسۇلتان نازاربايەۆ العا قويعان 2050 -جىلى 30 دامىعان ەلدىڭ قاتارىنا كىرۋ مىندەتىن ورىنداعىمىز كەلسە، وندا ول ءۇشىن ۇزدىك ادامي كاپيتالدى دايىنداۋىمىز قاجەت. بالالاردىڭ شىعارماشىلىق جانە كەشەندى ويلاي ءبىلۋىن دامىتۋعا ءتيىسپىز. ولار الەمدى تانىپ- ءبىلۋدى ۇيرەنىپ، وزدەرىن دامىتۋى، بارلىق پروبلەماعا وزىندىك كوزقاراسى بولۋى ءتيىس جانە كەز كەلگەن پروبلەمانى شەشە الۋى قاجەت. بۇعان قوسا، وسىناۋ ماتەريالدىق الەمدە، مولشىلىق پەن سىن- قاتەر الەمىندە ولار جاۋاپكەرشىلىك، قاۋىپسىزدىك جانە رۋحانياتتى دا دامىتۋى كەرەك» ، - دەدى يننوۆاتسيالىق ينتەللەكتۋالدى تەحنولوگيالار اكادەمياسىنىڭ باسشىسى.
ونىڭ ايتۋىنشا، بىرنەشە جىلدان بەرى قازاقستان مەكتەپتەرىندە ءۇش ولشەمدى جانە بەس ولشەمدى ءبىلىم بەرۋدىڭ بىرەگەي وتاندىق جانە شەتەلدىك ادىستەرى قولدانىلۋدا. ا ق ش، ەۋروپا جانە ازيانىڭ ءبىلىم بەرۋ سالاسىنداعى ۇزدىك جۇيەلەرى ەنگىزىلۋدە.
«قازاقستاندا حالىقارالىق ءبىلىم تاجىريبەسىن قولداناتىن نازاربايەۆ زياتكەرلىك مەكتەبى سىندى مىقتى مەكتەپتەر قۇرىلىپ جاتىر. ماسەلەن، بەس ولشەمدى ءبىلىم جونىندەگى كورەي عالىمى ۋون دون ەننىڭ ادىستەمەسى قازاقستاننىڭ كەيبىر مەكتەپتەرىندە بەيىمدەۋدەن وتۋدە. ول ينتەللەكتۋالدى، ەموتسيونالدى، فيزيكالىق ءوزىن- ءوزى باسقارۋ جانە كوممۋنيكاتيۆتىك قابىلەتتى دامىتۋدى كوزدەيدى. قازاقستاندىق عالىمدار دا ءبىلىم بەرۋ سالاسىندا ءتۇرلى ادىستەمەلەر ازىرلەۋدە. ايتالىق، ءبىلىم بەرۋ سالاسىنىڭ جەتەكشى عالىمى، پەداگوگيكا عىلىمىنىڭ دوكتورى، پروفەسسور جاۋىمباي قارايەۆ وقىتۋدىڭ ءۇش ولشەمدى ادىستەمەلىك جۇيەسىنىڭ تەحنولوگياسىن ازىرلەدى: كوپدەڭگەيلى (يگەرۋ شاماسى، موتيۆ، بەلسەندىلىك، يكەمدىلىك جانە ءبىلىم ساپاسى) ، يەرارحيالى ( ماقسات، مازمۇن، ءادىس، فورما باعىنىشتىلىعىنىڭ ءتارتىبى جانە وقۋ قۇرالى) . وندا وقۋشىلار ءتۇرلى دەڭگەيلى تاپسىرمالاردى ءوز بەتىمەن يگەرۋدى ۇيرەنىپ، بەلگىلى ءبىر بالل الادى جانە ول تاقتا شەتىندە ىلىنگەن «اشىق ءتۇستى جۋرنالعا» قويىلادى» ، - دەدى ول.
«سيفرلىق قازاقستان» مەملەكەتتىك باعدارلاماسى اياسىندا سيفرلىق ءبىلىم بەرۋ - «تسيفرلىق مەكتەپ» كەشەندى جۇيەسى ءۇشىن وقىتۋ مەن وقۋدىڭ ينتەللەكتۋالدى تەحنولوگياسى ازىرلەنگەن.
نۇرالى قۇدايبەرگەن ۇلىنىڭ پايىمىنشا، قازاقستاندىق مەكتەپتەر سيفرلىق ينتەللەكتۋالدى تەحنولوگيالاردى وقىتۋدى تولىقتاي كولەمدە قولدانىلۋى ءتيىس. تولىقتاي العاندا، عالىم سيفرلىق تەحنولوگيالاردى مەملەكەتتىڭ بارلىق سالاسىندا قولدانۋ رەسپۋبليكامىزدىڭ الەمدىڭ ارەناداعى پوزيتسياسىن ايتارلىقتاي جاقسارتا تۇسەدى دەپ سانايدى.