قوجا احمەت ياساۋي كەسەنەسىنىڭ ماڭىندا اشىق اسپان استىنداعى مۋزەي سالىنادى
بۇل تۋرالى بۇگىن تۇركىستان وبلىسىنىڭ اكىمى جانسەيىت تۇيمەبايەۆ «تاريحي- مادەني مۇرانى قورعاۋ مەن كەڭىنەن تانىتۋدى زاڭنامالىق تۇرعىدان قامتاماسىز ەتۋ» تاقىرىبىنداعى كوشپەلى وتىرىس بارىسىندا ايتىپ ءوتتى.
ايماق باسشىسىنىڭ سوزىنشە، تۇركىستانداعى قۇرىلىس جۇمىستارىن رەتتەۋ ايماعىنا «قازاق حاندارى، بيلەرى» ورتالىعى، شىعىس مونشاسى، «ۇلى دالا ەلى» جانە تۇركى الەمىنىڭ ورتالىقتارى، ياسساۋي مۋزەيى، استانا ساياباعى مەن بەينەلەۋ- ونەر مۋزەيى سالىناتىن بولادى. بۇل نىسانداردىڭ ءبارى تاريحي- ساۋلەتتىك قۇندىلىقتارعا اينالادى دەپ كۇتىلۋدە.
«ۇلى جىبەك جولى بويىنداعى «وتىرار» ، «ساۋران» ، «سيداق» ، «كۇلتوبە» ، «قاراسپانتوبە» ، «جۋانتوبە» قالاشىقتارىنا ارحەولوگيالىق زەرتتەۋ جانە قالپىنا كەلتىرۋ جۇمىستارى جۇرگىزىلەدى. قوجا احمەت ياساۋي كەسەنەسىنىڭ اۋماعىندا «كۇلتوبە» اشىق اسپان استىنداعى مۋزەيى سالىنىپ، ق ر مادەنيەت جانە سپورت مينسترلىگىمەن بىرلەسىپ وتىرار قالاسىن قالپىنا كەلتىرۋ جانە اباتتاندىرۋ، ينفراقۇرىلىمىن دامىتۋ جۇمىستارى قولعا الىناتىن بولادى» ، - دەدى جانسەيىت تۇيمەبايەۆ.