جانسايا ابدىمالىك ا ق ش- تاعى بەدەلدى شاحمات تۋرنيرىنە شاقىرتۋ الدى
ۇيىمداستىرۋشىلار جاسىنان تىس الەمدەگى ۇزدىك 10 شاحماتشىنى تاڭداپ، ا ق ش- قا جەكە شاقىرىپ وتىر، دەپ حابارلايدى «قازاقپارات» ح ا ا ءتىلشىسى.
جاس شاحماتشىنىڭ ايتۋىنشا، بۇل كۇتپەگەن وقيعا بولدى.
«شىنى كەرەك، وسى تۋرنيرگە شاقىرتۋ الامىن دەپ كۇتپەپ ەدىم. «Saint Louis Chess Club» تۇجىرىمى بويىنشا الەمنىڭ ۇزدىك ون شاحماتشىسىنىڭ قاتارىنا كىرىپ، وندا قازاقستاننىڭ نامىسىن قورعاۋ ۇلكەن جاۋاپكەرشىلىك» ، - دەيدى جانسايا.
«Cairns Cup 2019» ءتۋرنيرى العاش رەت وتكىزىلگەلى وتىر، الداعى ۋاقىتتا ول ءداستۇرلى تۋرنيرلەر قاتارىنا قوسىلادى. پارتيالار 2 - اقپان كۇنى ميسسۋري شتاتىنىڭ سەنت- لۋيس قالاسىنداعى ايگىلى Chess Club كلۋبىندا باستالادى. سپورتشىلار وندا اينالىم جۇيەسى بويىنشا ۇپاي جينايدى.
«بۇل ەڭ جوعارى دەڭگەيدەگى جارىس بولماق. جانسايا وعان قازاقستان اتىنان قاتىساتىن بىردەن- ءبىر سپورتشى ءارى ءتۋرنيردىڭ ەڭ جاس قاتىسۋشىسى. دەگەنمەن ونىڭ الەم چەمپيوناتتارىنداعى ويىندارى جانسايانىڭ تاجىريبەلى قارسىلاستارىنان قايمىقپايتىنىن تالاي رەت كورسەتتى» ، - دەيدى قازاقستاننىڭ شاحمات فەدەراتسياسىنىڭ اتقارۋشى ديرەكتورى يرينا گريشەنكو.
ايتا كەتەيىك، ءتۋرنيردىڭ جۇلدە قورى 150 مىڭ دوللار. بۇل ايەلدەر اراسىنداعى اينالىم جۇيەسىندە وتەتىن جارىستار تاريحىندا بۇرىن- سوڭدى بولىپ كورمەگەن سوما. ءبىر ەرەكشەلىگى، وعان قاتىسۋشىلاردىڭ ەشقايسىسى دا سىياقىسىز قايتپايدى. ءبىرىنشى ورىنعا 40 مىڭ دوللار، ال ونىنشى ورىنعا 5 مىڭ دوللار تىگىلگەن.
ەسكە سالا كەتەيىك، جانسايا ابدىمالىك شاحماتتىڭ بارلىق تۇرىنەن 20 جاسقا دەيىنگىلەر اراسىندا الەم رەيتينگىندە كوش باستاپ تۇر.