قازاقستاندا جۇرەكتى اۋىستىرۋ وپەراتسياسىنان دا قيىن وتا جاسالدى
الەمدەگى ەڭ قيىن جۇرەك وپەراتسياسىن التى جاسار بالاعا جاساۋدى رەسەيدەن كەلگەن تانىمال كارديوحيرۋرگ الەكساندر كاراسكوۆ ءوز جاۋاپكەرشىلىگىنە العان. ويتكەنى روسس وپەراتسياسىنىڭ باستى ەرەكشەلىگى - جۇرەكتىڭ قولقاسىنداعى زاقىمدالعان تامىر الىنىپ، ورنىنا وڭ جاق قارىنشاداعى وكپەگە كەتەتىن كۇرە تامىر قويىلادى. ال وكپەنى قانمەن قامتاماسىز ەتەتىن وڭ جاق قارىنشاعا جاساندى تامىر سالىنادى.
سالا ماماندارىنىڭ ايتۋىنشا، بۇل جۇرەكتى اۋىستىرۋ وپەراتسياسىنان بىرنەشە ەسە كۇردەلى. ەكى كۇنگە سوزىلاتىن اۋقىمدى شارا اياسىندا وتاندىق جانە شەتەلدىك ماماندار جاس حيرۋرگتەرگە شەبەرلىك ساباعىن وتكىزەدى. وعان قوسا، جۇزدەن اسا بىلىكتى سالا مامانى شاقىرىلعان حالىقارالىق كونفەرەنسيا وتكىزىلمەك.
ايتا كەتەيىك، ەلىمىزدە جۇرەككە وپەراتسيا جاسالعانىنا بيىل 60 جىل تولدى. وسى ۋاقىت ارالىعىندا وتاندىق كارديوحيرۋرگتەر 30 مىڭنان استام وپەراتسيا جاساعان.
بولاتبەك بايماحانوۆ، ا. سىزعانوۆ اتىنداعى ۇلتتىق حيرۋرگيا عىلىمي ورتالىعىنىڭ ديرەكتورى:
- بۇل ترانسپلانتاتسيا، جۇرەكتى اۋىستىرۋ وپەراتسياسىنان دا قيىن، كۇردەلى. جالپى جۇرەكتىڭ نەگىزگى قان كەلەتىن بولشەگىن الىپ، باسقا ورىنعا تىگىپ، بۇكىل تامىرلاردى قايتا تىگۋ. ول كارديوحيرۋرگياداعى ەڭ دەڭگەيى جوعارى، قيىن وپەراتسيا بولىپ سانالادى.