جەر جاڭعاقتىڭ پايداسى

None
None
استانا. قازاقپارات - جەر جاڭعاعى - جىلى جاقتا كوپ وسەتىن ءبىر جىلدىق وسىمدىك. ونى ديقاندار باقشاعا قولدان ەگەدى.

بويى 15 تەن 80 سانتيمەترگە دەيىن وسەدى. مامىردىڭ سوڭى، ماۋسىمنىڭ باسىندا سارعىش گۇل اشىپ، جەمىسى قىركۇيەكتە پىسەدى. جەر جاڭعاعىن حالىق مەديتسيناسىندا كوپتەگەن اۋرۋلاردى ەمدەۋ ءۇشىن پايدالانادى.

جەر جاڭعاعىنىڭ مايى بادام مايىنىڭ قۇرامىمەن بىردەي. تالما (ەپيلەپسيا) اۋرۋىن ەمدەۋ ءۇشىن جەر جاڭعاعى مايىنىڭ ءبىر شاي قاسىعىن ەشكىنىڭ ءبىر ستاقان قايناتقان سۇتىنە قوسىپ كۇنىنە 3 رەت 6 اي ىشكىزەدى.

وسى ادىسپەن جۇرەكتىڭ بارلىق اۋرۋ تۇرلەرىن ەمدەيدى. ال تازا مايدان كوتەۋ اۋرۋىنا (گەمموروي) تامپون جاساسا تەز جازىلادى. تىك ىشەكتىڭ قابىنۋىن باسادى. كەشكىلىكتى جاتاردا ءبىر شاي قاسىعىن ىستىق سۇتپەن ءىشىپ جۇرسە، جۇيكە جۇيەسىن تىنىشتاندىرادى، جاقسى ۇيىقتاتادى، سەرگىتەدى.

مايىن قىزدىرىپ تەمىرەتكى، قوتىرعا، ەرىن جارىلعاندا جاقسا، جازادى. قۇلاعى اۋىراتىندار جاتار الدىندا ىستىقتاي 2-3 تامىزىپ، ماقتامەن بىتەپ قويسا، ءبىر-ەكى كۇندە اۋىرعانى ساپ تىيىلادى.

جەر جاڭعاعى مايىنىڭ 50 گرامىن جارتى ليتر الما سىركە سۋىنا قوسىپ، 2 كۇن ۇدايى شايقاپ جاتار الدىندا بۋىنداعى ريەۆماتيزم، پوليارتريت، تۇز تۇنۋى، حوندروز، بەلدەگى قۇياڭعا سىلاپ جاعىپ جۇرسە، ساۋىعۋعا وتە جاقسى كومەكتەسەدى.

وسى قوسىندىنى كەشقۇرىم تۋماعان ايەلدەردىڭ سەگىزكوزىنە قاتارىنان ون كۇن كومپرەسس جاساپ، 10 كۇن دەمالىپ قايتادان باستايدى. ەمدەۋ كۋرسى ۇشەۋ.

سونداي-اق تۇندە توسەككە جىبەرىپ قوياتىن بالانىڭ قۋىعىنىڭ ۇستىنە جاتاردا كومپرەسس جاساسا، بۇل جاعىمسىز ادەتتەن ايىعادى. جەر جاڭعاعىنىڭ 1 كيلوگرامىن قازانعا سالىپ، قاشان ءتۇرى قوڭىر بولعانشا قۋىرىپ، ۇنتاقتاپ، 1 كيلوگرام بالعا ارالاستىرىپ، كۇنىنە ءبىر شاي قاسىعىن ىستىق سۇتپەن تاماق الدىنان جارتى ساعات بۇرىن ءتورت ۋاقىت ءىشىپ تۇرسا، اسقازان، ىشەك جاراسىنىڭ اۋىرعانىن باسادى، ءارى جارانىڭ تەز ءبىتىپ جازىلۋىنا ەم.

سوڭعى جاڭالىقتار