الداعى دەمالىس كۇندەرى ەلىمىزدە قار جاۋىپ، بۇرقاسىن سوعادى

استانا. قازاقپارات - سينوپتيكتەر 19-21- قاڭتارداعى اۋا رايىنا ارنالعان بولجامىن جاريا ەتتى، دەپ حابارلايدى قازاقپارات قازگيدرومەتكە سىلتەمە جاساپ.

دەمالىس كۇندەرى ەلىمىزدىڭ سولتۇستىك بولىگىندە قار جاۋىپ، بۇرقاسىن سوعادى، وڭتۇستىكتە جاڭبىر، ارتى قارعا ۇلاسادى دەپ بولجانىپ وتىر.

«ورتالىق ازيا ايماعىنان قازاقستانعا وڭتۇستىك تسيكلونى جىلجيدى، ول جىلۋ الىپ كەلەدى. سوندىقتان الداعى دەمالىس كۇندەرى ەلىمىزدىڭ سولتۇستىك بولىگىندە قار جاۋىپ، بۇرقاسىن سوعادى، باتىستان قاتتى جەل سوعادى. ال وڭتۇستىك جانە باتىس وڭىرلەردە جاۋىن-شاشىن بولادى، جاڭبىردىڭ اياعى قارعا ۇلاسادى، تاۋلى ايماقتاردا قالىڭ قار تۇسەدى، تۇمان جانە كوكتايعاق كۇتىلەدى»، - دەلىنگەن حابارلامادا.

دۇيسەنبىدە سۋىق اعىنداردىڭ وتۋىنە بايلانىستى اۋا تەمپەراتۋراسى تومەندەيدى، ءبىراق ول ءالى دە كليماتتىق نورمادان جوعارى بولماق.