نازاربايەۆ ۋنيۆەرسيتەتىنىڭ عالىمدارى حالال بيولوگيالىق بەلسەندى قوسپا ازىرلەدى

استانا. قازاقپارات - نازاربايەۆ ۋنيۆەرسيتەتىنىڭ عالىمدارى حالال بيولوگيالىق بەلسەندى قوسپا ازىرلەدى، دەپ حابارلايدى قازاقپارات ۋنيۆەرسيتەتتىڭ سايتىنا سىلتەمە جاساپ.

 «نازاربايەۆ ۋنيۆەرسيتەتىنىڭ National Laboratory Astana (NLA)  ءومىر تۋرالى عىلىمدار ورتالىعىنىڭ عالىمدارى قۇرعاق بيە ءسۇتى (ساۋمال)، وسىمدىك جانە مەتابيوتيكالىق كومپونەنتتەر نەگىزىندە جاسالعان جاڭا ببق- ءونىم ازىرلەدى. جاڭا ءونىم «ساۋمەت» دەپ اتالدى. ول جاڭا 2019 -جىل قارساڭىندا اشىلعان قاراعاندى وبلىسى زاۋىتىنىڭ جاڭا وندىرىستىك جەلىسىندە كاپسۋلالار تۇرىندە شىعارىلادى. جوبا « عىلىم قورى» ا ق قارجىلىق قولداۋىمەن ىسكە اسىرىلادى»، - دەلىنگەن حابارلامادا.

 عالىمدار انتيبيوتيكوتەراپيادان كەيىن ميكروفلورانى قالپىنا كەلتىرۋ ءۇشىن، سونداي- اق ءارتۇرلى كۇيزەلىس فاكتورلار مەن سىرتقى ورتانىڭ جاعىمسىز اسەرلەرى بولعان كەزدە «ساۋمەت» پرەپاراتىن قولدانۋدى ۇسىنادى. بۇدان باسقا، ازىرلەۋشىلەر «ساۋمەتتىڭ» حالال ستاندارتتارىنا سايكەس وندىرىلەتىنىن اتاپ كورسەتەدى.

 «دارىلىك نىساندار مەن ب ب ق- قا ارنالعان كاپسۋلالاردىڭ كوبى جانۋارلار جەلاتينى نەگىزىندە جاسالادى. ءبىز ءوندىرىس كەزىندە تەك وسىمدىك شيكىزاتىن پايدالانامىز. وسىلايشا، ءبىز تەك قانا حالال نەمەسە ۆەگەتاريان تۇتىنۋشىلاردىڭ قالاۋىن ەسكەرەمىز. الدىن الا ەسەپتەۋلەر بويىنشا، پرەپاراتتىڭ ءبىر ايلىق كۋرسىنىڭ قۇنى 4 -7 مىڭ تەڭگەنى قۇرايتىن بولادى. پرەپاراتتىڭ جاناما اسەرى جوق»، - دەپ حابارلادى «NLA» ءومىر تۋرالى عىلىم ورتالىعى، ادام ميكروبيومى جانە ۇزاق ءومىر ءسۇرۋ زەرتحاناسىنىڭ اعا عىلىمي قىزمەتكەرى سامات قوجاحمەتوۆ.

 «ساۋمەت» كاپسۋلالار بيىل جىلدىڭ ورتاسىنا قاراي ساتىلىمعا تۇسەدى دەپ كوزدەلىپ وتىر. عالىمدار قازىردىڭ وزىندە وسىمدىك سىعىندىلارىمەن، پوليۆيتاميندەرمەن جانە ت. ب. بايىتىلعان «ساۋمەت» نەگىزىندە جاڭا ونىمدەر شىعارۋدى جوسپارلاپ وتىر.